Tuesday , November 20 2018
Breaking News
You are here: Home / News / Psychopathic serial killer, mass murderer (Bansag kay Duterte ni De Lima)
Psychopathic serial killer, mass murderer (Bansag kay Duterte ni De Lima)

Psychopathic serial killer, mass murderer (Bansag kay Duterte ni De Lima)

TINAWAG na psychopathic serial killer ni Senadora Leila de Lima si Pangulong Rodrigo Duterte, ito ay kasunod nang paglutang ni dating Davao Death Squad chief, Arturo Lascañas para ilantad ang kanyang panibagong rebelasyon nang patayan sa ilang personalidad sa Davao.

Ayon kay De Lima, bukod dito maituturing ding isang mass murderer ang Pangulo makaraan ang pag-amin ni Lascañas.

Bunsod nito, itinanong ni De Lima kung sakop pa ng presidential immunity ng pangulo ang kanyang ginawa noong siya ay alkalde pa ng Davao.

READ MORE:  Dismissal order ni Omb Clemente personal grudge (Politika vs Gov. Roel Degamo)

Sinabi ni De Lima, noong una pa lamang ay kanya nang inihayag ang naturang mga impormasyon ngunit imbes sagutin ng Pangulo ay niyurakan ang kanyang pagkatao, siniraan siya, at pati ang kanyang pribadong buhay ay hinalungkat.

Naniniwala si De Lima, maaaring gamitin ding ebidensiya ang testimonya ni Lascañas para sampahan ng impeachment complaint ang pangulo, at gayondin sa mga nagaganap na pagpasalang ng ilang mamamayan sa ating bansa.

READ MORE:  Wang Bo wanted sa House probe

(NIÑO ACLAN)

EJK HEARING
PINABUBUKSAN
SA SENADO

NAIS ng ilang mga senador na muling buksan ng Senado ang imbestigasyon sa extra judicial killings (EJK), ito ay kasunod nang paglutang ng dating lider ng Davao Death squad, na si SPO3 Arturo Lascañas, at binawi ang kanyang mga naunang pahayag sa Senado.

Ayon kina Senadora Grace Poe, Leila de Lima, at Senador Bam Aquino, ito ang tamang panahon para muling magsagawa ng imbestigasyon ang Senado.

Sinabi ni Poe, kaya pala hindi siya lumagda sa committee report dahil mayroon pang kulang sa nilalaman nito, at maaaring isa ang magiging pahayag ni Lascañas.

READ MORE:  Turkish terror group ‘nilinis’ ni Gen. Año

Habang pahayag ni Aquino, upang mapatunayan na patas ang Senado, nararapat na magkaroon ng pagdinig kaugnay sa panibagong pahayag at pagbubunyag ni Lascañas.

Samantala, naniniwala si De Lima, ito na marahil ang kanyang nauna pang sinasabi na talagang mayroong DDS at si  Duterte ang nasa likod ng mga EJK.

(NIÑO ACLAN)

COMMENTS

About Niño Aclan

Scroll To Top
 

Copyright hatawtabloid.com | All Rights Reserved