Wednesday , November 21 2018
Breaking News
You are here: Home / Showbiz / Sa tinuran ni LJ na hindi nadadalaw ni Paulo ang anak — Ginagawa ko ang obligasyon ko bilang ama sa anak ko
Sa tinuran ni LJ na hindi nadadalaw ni Paulo ang anak — Ginagawa ko ang obligasyon ko bilang ama sa anak ko

Sa tinuran ni LJ na hindi nadadalaw ni Paulo ang anak — Ginagawa ko ang obligasyon ko bilang ama sa anak ko

HINDI na bago sa amin ang pagtanggi ni Paulo Avelino na magsalita sa isyung kinasasangkutan niya lalo’t hindi naman kasama sa pelikula o TV show ang sangkot sa usapin.

Pero napilit pa rin siyang kahit paano’y magsalita pagkatapos ng presscon proper ng I’m Drunk, I Love You na pinagbibidahan nila nina Dominic Roco at Maja Salvador na handog ng TBA (Tuko Film Productions, Buchi Boy Entertainment, at Artikulo Uno Productions).

READ MORE:  ToMiho, ‘di nagpatalo sa paramihan ng halikan kina Jake at Angeline

Tinanong kasi si Paulo ukol sa tinuran kamakailan ni LJ Reyes na hindi dinadalaw ng actor ang kanilang anak na si Aki gayung hindi naman daw siya pinagbabalawan.

Ani Paulo, ”Hindi pa panahon para magsalita po ako, pero ginagawa ko naman ang obligasyon ko bilang ama ng anak ko, hindi naman ako nagpapabaya sa financial, basta hindi lang dito,” ani Paulo.

READ MORE:  Sam Coloso ang beauty queen na pang leading lady

Sinabi pa ni Paulo na mahal na mahal niya ang anak niya at darating din ang tamang panahon para malaman ng lahat ang side niya.

Anyway, ang I’m Drunk, I Love You na mapapanood na sa Pebrero 15 ay ikalawang pagsasama nina Paulo at Maja. Ang una ay ang teleseryeng Bridges of Love sa ABS-CBN kasama si Jericho Rosales.

READ MORE:  Richard at Angelica, ‘di totoong may tampuhan

Ayon kay Paulo, gusto niyang makasama muli si Maja sa trabaho dahil crush niya ito bukod pa sa mahilig magdala ng pagkain ang aktres.

“Mahilig siyang magdala ng pagkain sa set kaya gustong-gusto namin. Laging maraming food sa set,” anang actor.

SHOWBIZ KONEK – Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved