Thursday , March 28 2024
Duterte CPP-NPA-NDF
Duterte CPP-NPA-NDF

Balance of power kailangan imantena — Digong

NAIS ni Pangulong Rodrigo “Digong” Duterte na umiral ang “balance of power” sa kanyang administrasyon upang mapanatili ang katatagan ng gobyerno at makontrol ang magkakatunggaling puwersa.

Sa kanyang talumpati kahapon sa Camp Siongco Hospital sa Maguindanao, sinabi ng Pangulo na hindi niya solo ang pagdedesisyon sa gobyerno, lalo sa aspekto ng armadong tunggalian sa kilusang komunista.

Giit niya, hindi uubra ang hirit sa kanya ng liderato ng Communist Party of the Philippines (CPP), New People’s Army (NPA) at National Democratic Front of the Philippines (NDFP) na palayain ang 400 political detainees hangga’t walang pirmadong bilateral ceasefire agreement sa gobyerno.

Anang Pangulo, sisiklab ang gulo sa bansa at maaaring talikuran siya ng mga sundalo at humantong sa kanyang kamatayan.

“Sabi ko sa mga komunista, gusto naman ninyo i-release ng 400 but gusto ninyo kaagad na may wala pang — sabi ko, bigyan ninyo ako ng dokumento na ceasefire. E ayaw ninyong ibigay e ‘di ayaw ko rin,” aniya.

“Pag sabihin ninyong uwi kayo, magtabla ‘e ‘di tabla. You know, sabi ko I still maintain I have given so much. Huwag ninyo akong pigain kasi ang gobyerno hindi lang akin. I do not make decisions alone. In violent activities, I consult the people. Kasi hindi ko puwedeng — Sabihan ko ng — alam mo ‘pag pinilit ninyo ako nang ganoon, ang papatay sa akin, ito lang rin mga sundalo,” aniya.

Paliwanag ng Pangulo, tulad ng kilusang komunista na ginagabayan ng political bureau (politburo), kailangan rin niyang pakinggan ang opinyon ng mga pinuno ng militar, defense secretary at gobyerno sa kabuuan, bago magpasya sa mga sensitibong usapin

“So you have to understand that even kayo may politburo. I do not just decide on my own without consulting people in government. I have to talk to the Defense Secretary, I have to talk to the commanders, I have to talk to the Chief of Staff, ‘is this acceptable to you?’ I am guided by the majority of the will of the — in government. It’s not my practice to decide things alone. Tinitimpla ko ‘yan e so kung makinig kayong mga kalaban sa gobyerno, gusto ko muna ceasefire lahat, mag-usap tayo. Pero kung ‘yang sinasabi ko na ikapote mo ‘yung mga Maute tapos ito namang ganyan, the communist head is demanding too much, it is not mine to give alone. It is a collective will of the people, particularly on the government side. Sa military command, it’s a chain of command, they’re willing to do it but it is a collective decision of the Chief of Staff, Defense, sa Armed Forces, Army, Navy, Air Force,” giit ng Pangulo.

Natapos kamakailan ang third round ng peace talks sa Rome, Italy na hindi napirmahan ang bilateral peace agreement.

(ROSE NOVENARIO)

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *