Tuesday , September 25 2018
Breaking News
You are here: Home / Showbiz / Career ni Kylie, posibleng maudlot dahil sa pagbubuntis
Career ni Kylie, posibleng maudlot dahil sa pagbubuntis

Career ni Kylie, posibleng maudlot dahil sa pagbubuntis

HUWAG naman sanang mangyari ang sinasabi ng iba, pero may mga nagsasabing mukhang mauudlot na raw ang career ni Kylie Padilla ngayong sinasabing tatlong buwan na siyang buntis. Kung lalabas ngang ganoon, aba eh pinakamahaba na iyong isa o dalawang buwan at obligado na siyang magpahinga dahil sooner or later, lolobo na ang tiyan niya. Maaari pa ba siyang magsuot ng damit ng isang sangre kung malaki na ang tiyan niya?

Isa pa, kasabihan na ngang mahirap at delikado ang pagbubuntis ng isang nanganganay.

READ MORE:  Arjo, willing maghintay bumukas sa saradong puso ni Alex

Matagal na iyang usapan pero dahil walang nagsasalita at walang umaamin, eh hanggang blind item na lang sila. Hanggang ngayon naman ay hindi pa sila umaamin, pero sinasabi ngang isang close sa kanila ang nakapagsabing, “huwag ninyong sasabihing sinabi ko, pero totoo, tatlong buwan na.” Kaya ngayon hayagan na iyang pinag-uusapan.

Ang nakatatawa nga, karamihan sa mga reaksiyon lalo na sa social media, ay sinisisi si Aljur Abrenica. May nagsasabing siya ay isang “pashnea”. May nagsasabi pang “idinamay pa niya si Kylie”. Kasi nga nagsisimula na sanang sumipa ang career ni Kylie ngayon, na tiyak na mauudlot nga dahil nabuntis siya. Eh si Aljur naman ay tumamlay na ang career simula noong magwala siya at idinemanda pa ang kanyang network. Hindi naman siya pinag-interesang kunin ng kalabang network noon, at kahit na nagbalik na siya sa network niya, natural lang na takot ang network na bigyan siya nang bigyan ng project kagaya noong dati dahil baka masabi na naman niyang binibigyan siya ng roles na hindi niya gusto at hindi makabubuti sa kanyang career.

READ MORE:  Matteo, no sex before marriage rin ang ipinaiiral
READ MORE:  PBB 737 txt vote, ibinaba sa P.50 mula sa P1 (Dahil mahina ang ratings...)

Kung ano ang kahihinatnan ng kanyang career at ng buhay nilang dalawa ni Aljur dahil sa nangyaring iyan, hindi pa natin alam. Hindi pa rin natin alam kung ano ang magiging reaksiyon diyan ni Robin Padilla. Pero siguro naman maiintindihan niya na talagang may nangyayaring mga ganyang bagay. Nangyari rin naman iyan sa kanya.

HATAWAN – Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved