HATAW! D'yaryo ng Bayan hatawtabloid.com
TUGUEGARAO CITY – Patay ang isang 22-anyos magsasaka habang sugatan ang driver nang bumangga ang sinasakyang motorsiklo sa nakaparadang sasakyan bago tuluyang kinaladkad ng isang van sa bayan ng Aparri kamakalawa.
Agad binawian ng buhay si Jeboy Andres ng Brgy. Alilino habang sugatan ang menor de edad na driver ng motorsiklo.
Sa imbestigasyon ng pulisya, nawalan ng kontrol sa manibela ang dri-ver ng motorsiklo dahilan upang matumba at bumangga sa nakaparadang sasakyan sa Brgy. Toran.
Sa lakas ng pagsalpok, tumilapon sa kalsada ang angkas na si Andres dahilan upang makaladkad ng colorum na puting van.
Nabatid na lasing ang mga biktima nang mangyari ang insidente.
