Saturday , September 22 2018
Breaking News
You are here: Home / News / Yaman ng Simbahan target ni Digong (Hinamon ng showdown)
Yaman ng Simbahan target ni Digong (Hinamon ng showdown)

Yaman ng Simbahan target ni Digong (Hinamon ng showdown)

KINUWESTIYON ni Pangulong Rodrigo Duterte kung paano ginagasta ng Simbahang Katoliko ang kanilang yaman gayong nananatiling nagdarahop ang mga Katoliko at naghihintay na mangyari ang mga inilalako nilang milagro.

Sa kanyang talumpati sa mass oath-taking ng mga bagong promote na police officers, sinabi ng Pangulo, milyong piso ang kinikita ng simbahan kada linggo sa buong bansa pero hindi ipinaliliwanag ng mga pari kung saan napunta o ginasta.

Hinamon ni Duterte ng “showdown” ang Simba-han na mistulang lantaran nang baho upang maipaliwanag ng mga pari ang mga kinasangkutang eskandalo gaya ng pagmolestiya sa mga kabataan, paggamit ng kanilang pondo.

“E you ask for it e. So kung gusto mo talaga showdown, e showdown na sige. Magbago kayo ‘pag hindi…If you cannot mend your ways, if you cannot even give justice to the, you know, the small boys that you have molested in the past, you do not have that moral ascendancy to lecture on what to do. Sanctity of life? You’re enjoying your worth. Pagkatapos sanctity. Kayo diyan mga palasyo. Ang mga tao nandiyan sa squatters tapos sanctity? Tumingin nga kayo salamin ninyo,” aniya.

Binigyan diin niya na walang ginawa ang Simbahan upang pigilin ang paglala ng suliranin sa illegal drugs at ngayon na nilulutas niya ay binabatikos pa siya.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved