Tuesday , November 13 2018
Breaking News
You are here: Home / Opinion / Graft convicted LLDA GM Neric Acosta matigas ang ulo o super kapalmuks!? (Pagbuwag sa fish pen ginamit na media mileage)
Graft convicted LLDA GM Neric Acosta matigas ang ulo o super kapalmuks!? (Pagbuwag sa fish pen ginamit na media mileage)

Graft convicted LLDA GM Neric Acosta matigas ang ulo o super kapalmuks!? (Pagbuwag sa fish pen ginamit na media mileage)

KAKAIBANG klaseng nilalang din pala si Laguna Lake Development Authority (LLDA) general manager Nerius “Neric” Acosta.

Hindi natin alam kung sadyang matigas ang kanyang ulo o kapalmuks lang talaga siya.

Mismong ang mga mangingisda ay bantad na bantad na sa style ‘papogi’ ni Acosta.

Hindi ba’t iniutos na ni Pangulong Rodrigo “Digong” Duterte na gibain na ang mga fish pen na namamayagpag diyan sa 90,000 hectares Laguna de Bay?!

Kaya naman agad gumawa ng kautusan si Environmental and Natural Resources secretary Gina Lopez para kay GM Acosta na agad gibain ang mga fish pen lalo na ‘yung mga kategoryang wide-corporate na umookupa sa communal fishing ground ng maliliit na mangingisda sa Laguna de Bay.

Pero nang gawin ito ng batang Pnoy na si Acosta, tila media projection lang para ipakita kay Pangulong Digong na sumunod siya sa utos.

Sabi nga ng lider ng mga mangingisda na si Danny Ramos, “Tanda namin nang may dumating na media at pumormang babaklasin ng mga tauhan ng LLDA ang isang malawak na fish pen dito sa Binangonan, pero pag-alis ng taga-media, hindi tinuloy baklasin ang fish pen. Katunayan ay nananatili pa rin ang naglalawakang mga fish pen sa amin.”

080516 laguna pamalakaya llda

Ginoyo ang Pangulo, nilinlang ang mga mamamayan at inisahan ang maliliit na mangingisda.

Ang gulang po ninyo, GM Neric Acosta!

Hindi ba ninyo naiisip mag-resign GM Acosta?!

Bakit hindi mo gayahin si dating GM Edgar Manda, may delicadeza?

Kayo po ‘e kakaibang talaga. Kakaiba ang kakapalan ng mukha?!

Hakhakhak!

By the way, ano na ang nangyari sa conviction ninyo sa kasong graft dahil sa hindi tamang paggamit sa pork barrel noong Bukidnon congressman pa kayo noong 2002?!

Napagsilbihan na ba ninyo ang sentensiyang 10-taon kulong?

Kung hindi kami nagkakamali, mga magsasaka naman ang inagrabyado sa P5.5 million Priority Development Assistance Fund (PDAF) na para sana sa Bukidnon Vegetable Producers Cooperative, na ang kanyang ina, si dating Manolo Fortich mayor Socorro Acosta, ay director at cooperator.

Ang sentensiya naman sa kanyang ina ay 12 hanggang 20 taon na pagkakakulong.

Bukod sa kulong, iniutos din ng Sandiganbayan ang perpetual disqualification sa mag-ina sa public office.

‘E ano palang ginagawa ninyo riyan sa LLDA, Mr. Acosta?

Wala ba kayong planong magbalot-balot gayong hanggang ngayon ‘e hindi pa rin ninyo sinusunod ang utos ng Pangulong Digong?!

Ano ba ang pumipigil sa iyo para gibain ‘yang mga fish pen na ‘yan?!

Magkano, ‘este ano ba talaga ang dahilan?!

Paki-explain!

Pinay, Jordanian naiwan ng flight
OTS SECURITY PERSONNEL
UNDER ‘HOT WATER’

070316 miaa naia

KINAKAILANGANG magpaliwanag ang isang security personnel ng Office for Transportation and Security (OTS) nang maiwan sa flight ang isang Filipina at kasama niyang Jordanian dahil sa ‘kotong-try.’

Ayon kay Manila International Airport Authority (MIAA) General Manager Ed Monreal, pinaiimbestigahan na niya agad ang sinasabing indirect extortion attempt sa balikbayan na Pinay sa Ninoy Aquino International Airport (NAIA) terminal 1.

Kinilala ni GM Monreal ang suspek na isang Sergio Padilla, isang OTS security screener na nakatalaga sa final security check sa NAIA terminal 1.

Ayon sa reklamo ng isang Carol Reynon Quebalayan, siya at ang kasamang Jordanian ay pinigil sa final security check area ni Padilla dahil sa dala nilang “Ube jams” na nasa kanilang hand carry bag nitong 4 Enero 2017.

Pasakay na sila sa China Southern Airlines Flight CZ-3078I dakong 7:35 a.m. nang harangin sila ni Padilla.

Sinabi umano ni Padilla, hindi maaaring i-hand carry ang nasabing Ube jams kaya tinanong niya kung ano ang puwede nilang gawin dahil bandang 8:45 a.m. ang flight nila.

Wattaafak!? Ube jam bawal?!

Sumagot daw si Padilla: “Pag-usapan natin doon,” sabay turo sa isang sulok.

Pero hindi sumunod si Quebalayan kaya sinagot siya ni Padilla, “Bahala ka kung ayaw mo, itapon mo na lang ‘yang mga boteng ‘yan.”

Habang nakikipag-usap si Quebalayan kay Padilla, dalawang ground personnel ng China Southern Airlines ang nanawagan kung nasaan sila pero hindi kumibo ang OTS security personnel at inutusan pa silang i-check-in ang dala nilang Ube jams.

In short, hindi nakaalis sina Quebalayan at ang Jordanian.

Pero dahil pursigidong matuloy ang biyahe, kinailangan nilang gumastos ng karagdagang US$1,100 bawat isa para sa kanilang flight sa ibang airlines kaya nakaalis sila dakong 8:00 pm.

‘E paano pala kung walang ganoong halaga sina Quebalayan at ang kasama niyang Jordanian?!

Malamang natengga pa sila nang matagal.

Pero ang isa sa nakatutuwa rito, mabilis ang aksiyon ni GM Ed Monreal na imbestigahan ang tarantadong OTS personnel.

Salamat GM pero sana ay mawalis pa ang ibang kagaya ni Padilla sa NAIA.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  LTFRB chief inasunto ng sinibak na opisyal

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved