Wednesday , September 19 2018
Breaking News
You are here: Home / Showbiz / Mag-inang Sylvia at Arjo, ‘hayup’ sa galing umarte
Mag-inang Sylvia at Arjo, ‘hayup’ sa galing umarte

Mag-inang Sylvia at Arjo, ‘hayup’ sa galing umarte

SA halip na mag-reply through text ay tinawagan kami mismo ng balik-trabahong si Sylvia Sanchez (taon-taon kasi ay nagbabakasyon silang magpapamilya abroad) makaraang i-congratulate namin sila ng kanyang anak na si Arjo Atayde sa ipagkakaloob na award sa kanila.

Mismong ang founder na si Norman Llaguno ng GEMS (Guild of Educators, Mentors and Students) ang naging panauhin namin sa programang Cristy Ferminute who announced the winners sa kauna-unahang pagbibigay-parangal nito sa mga personalidad sa larangan ng print, stage, radio, television, at film.

Si Arjo ang napiling Best Supporting Actor para sa FPJ’s Ang Probinsyano, samantalang Best Actress naman si Ibyang para sa The Greatest.

Dalawa lang ang categories na ito (for TV) sa 60 awards na ang seremonya’y idaraos sa March 1 sa Laguna Bel-Air Science High School sa Sta. Rosa City, Laguna 5:00 p.m..

Isang tuwang-tuwang Sylvia ang kausap namin. Aniya, ”Naku, nakakataba naman ng puso, kami pang mag-ina ang nagwagi! Sana sa aming panalo, eh, matigil na rin ang sinasabi ng iba riyan na kaya raw kami nananalo ng award ni Arjo, eh, dahil nagbabayad kami.”

Sagot namin, ”Ibyang, kung hindi sana kayo magaling ng anak mo, kukuwesitunin ko pa kung bakit nananalo kayo. Kaso, hayup kayong mag-ina!”

Hindi lang iilan ang nariringgan namin ng sobra-sobrang papuri sa pagganap ni Arjo bilang Joaquin, ang kontrabidang pulis sa nasabing teleserye ng ABS-CBN. Samantala, isa nang “given” ang pagiging isang mahusay na aktres ni Sylvia.

Ipinagbigay-alam namin ang pagkakaloob ng award kay Arjo sa kanyang handler (Nenette Demillo), pero dahil Miyerkoles ang event at may taping ay ihihingi niya ng permiso mula sa direktor kung maaaring pumuslit ito sandali.

So there.

( RONNIE CARRASCO III )

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved