Tuesday , September 25 2018
Breaking News
You are here: Home / Showbiz / Sylvia Sanchez, astig ang acting sa The Greatest Love (Very effective kahit mga mata at balikat lang ang gamit)
Sylvia Sanchez, astig ang acting sa The Greatest Love (Very effective kahit mga mata at balikat lang ang gamit)

Sylvia Sanchez, astig ang acting sa The Greatest Love (Very effective kahit mga mata at balikat lang ang gamit)

SINO kayang ina at sinong anak ang hindi madudurog ang puso sa mga matitinding eksenang napanood sa Wednesday episode ng The Greatest Love? Grabe ang mga eksena at grabe ang galing ng mga artista rito sa pangunguna ng bida ritong si Ms. Sylvia Sanchez.

Talagang aagos ang luha ng bawat televiewers sa mga eksena sa top rating TV series na ito ng Kapamilya Network. Sa gitna ng komprontasyon at panlalait ni Amanda (Dimples Romana) sa kanyang ina, tumambad sa kanila ang tunay na lagay ni Gloria (Sylvia) na mayroon itong Alzheimer’s disease.

Idagdag pa ang mga linya ni Gloria para sa kanyang mga anak na, “Basta tandaan ninyo, kung dumating man yung panahon na mawala kayo sa isip ko, hindi ko kayo maalala… nandito kayo (sa puso ko). Hinding-hindi nakakalimot ang puso, dahil mahal na mahal na mahal ko kayo mga anak…” Sino ang hindi tatamaan at hindi aagos ang luha sa ganitong dialogue?

READ MORE:  GF ni aktor/TV host, nilustay ang P60-M napanalunan sa sugal, abonado pa sa P7.5-M na pinamili

Anyway, lahat ng mga artista sa eksenang iyon ay pulos magagaling. Pero bukod kay Ms. Sylvia, sa tingin ko ay naging stand-out sina Dimples Romana, Joshua Garcia, at si Matt Evans na kahit nalulungkot at nagagalit ay pasok pa rin at laging in-character sa pagiging bading. Sa totoo lang, sa aming palagay, kung may award na Best Ensemble cast in a Drama Series, panalo na ang tropa ng The Greatest Love!

READ MORE:  Nakakaloka ang mga kaplastikan ng ating mga lider

As usual, nagpakita ng lalim at galing sa pag-arte si Ms. Sylvia rito. Actually, very effective ang atake ng ermat nina Arjo at Ria Atayde sa naturang eksena kahit mga mata at balikat lang mostly ang ginamit niya.

Kaya naalala ko noong last time na nakapanayam namin si Ms. Sylvia bago nagtapos ang taon. Inusisa namin kasi siya kung mas matitinding iyakan ba ang dapat asahan sa The Greatest Love. Ang sagot ng award-winning actress, “Oo, mas matitinding iyakan, kumbaga kung ngayon ay naghahanda lang kayo ng lampin, later-on ay tuwalya na ang kailangan ninyong gamitin.”

READ MORE:  Lovi Poe, naalagaan ni Derek sa ‘upuan’ scene

After ng matinding episode ng TGL, nag-pm kami kay Ms. Sylvia upang batiin siya sa grabeng husay na ipinamalas niya sa mga eksena sa TGL. Ang matipid na reply niya sa amin: “Yahoooooo! Thank youuuuu Yahooooo”

Sa mga susunod na episodes ng The Greatest Love, sure ako na mas matitinding eksena pa ang matutunghayan ng viewers. Kaya di kataka-takang lalo pang tumaas ang ratings nito. Actually nagtrending pa ang #TGLTheDeepImpact last Wednesday. Congrats sa tropang TGL at sa mga director nitong sina Dado C. Lumibao, Jeffery Jeturian, at Mervyn Brondial.

ALAM MO NA! – Nonie V. Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved