Tuesday , November 13 2018
Breaking News
You are here: Home / Opinion / 2017 uulanin
2017 uulanin

2017 uulanin

BAGO po ang pagarangkada ng BBB, atin po munang batiin ang aking kapatid na si Balikbayan ELIZABETH BALANI ZARA, sampu ng kanyang pamilya, na pagkatapos ng dalawampung taong pamamalagi sa Toronto, Canada ay muling bumisita sa ating bansa.

Welcome home ‘Tol…enjoy the days with your loved ones here in the Philippines.

Balik arangkada na po, tama ka ‘igan, hindi lang uulanin, bagkus babagyohin nga nang todo-todong buwenas ang taong 2017. Ito’y ayon sa tuloy-tuloy at walang-patid na pag-arangkada ni Ka Digong tungo sa ganap na pagbabago. ‘Ika nga ni Ka Digong mga ‘igan, noon pa ma’y nais niyang tunay na pagbabago sa bansa! Kaya naman sige nang sige lang ang mama upang maibigay ang ipinangakong tunay na pagbabago sa kanyang administrasyon.

Bagamat bumaba mga ‘igan ang “net trust rating” ni Ka Digong partikular sa Metro Manila, aba’y ‘di nagpatinag ang mama, sapagkat ubod umano nang lakas ng ‘appeal’ ‘este ‘political will’ ng tigasing presidente!

READ MORE:  Mistulang karnabal sa House at Senate

He He He…na ikinatutuwa ng mga panatikong-Digong! Pero, hindi mo pa rin maiaalis at maiisang-tabi ang mga anti-Digong na patuloy sa pagbatikos sa kasalukuyang pamamahala.

At sus ginoo mga ‘igan, tinapatan ni Ka Digong ng magandang economic performance ang kanyang administrasyon, dahil kitang-kita umano ang pagbababa ng unemployment sa bansa. Ang matindi pa rito’y isasabay ang patuloy na paggulong ng peace talks ng gobyerno at ng CCP-NPA. Inaasahan din ang ulan at bagyong darating sa 2017, ang patuloy pang pagpapaunlad ng infrastructures sa Filipinas.

Sa kasalukuya’y binabatikos ang pag-iisantabi ni Ka Digong sa kanyang 10-point agenda, dahil umano sa sari-saring isyu. Aba’y atin ngang kalkalin itong bakasyong-grande ni Ka Leni Robredo sa Amerika

he he he…

Habang bagyong-grande naman sa Bikol ang kanyang mga kababayan. Mantakin ninyong nakuha pang magbakasyon ng Ale sa Amerika, habang binabagyo o sinasalanta ng bagyong Nina ang kanyang mga kababayan sa Bikol! Totoo ba ito ‘igan?

READ MORE:  No bail kay Taguba et al sa P6.4-B shipment ng shabu

Sus ano ba ‘yan…OMG!

Speaking of extrajudicial killings (EJK), ang nagiging usapin dito’y ang ilang kababayan nating napapatay umano na hindi naman sangkot sa droga at maging ang ilang mga batang nadadamay din na walang kamuwang-muwang at walang kalaban-labang namamatay dahil din sa droga. Ang tanong, sang-ayon ba na bumababa ang bilang ng krimen partikular yaong may kinalaman sa droga, samantala tumataas naman ang bilang ng mga taong napapatay/pinapatay umano dahil sa lumalalang droga sa bansa?

Sa pagbatikos mga ‘igan ni CBCP President, Archbishop Socrates Villegas sa administrasyong Digong sa isyung EJK, aba’y ramdam ang malasakit pa more ng mga Obispo at Pari sa buhay ng drug addicts at drug-pushers kaysa buhay ng mga inosenteng kababayan nating ginagawan ng karumal-dumal na krimen ng mga animal na mga adik.

OMG…aba’y mag-isip-isip ‘pag may time…he he he… Mas gusto yata ng Archbishop na lumago pa ang bilang ng mga adik sa bansa!

READ MORE:  Ang Bagong Taon

Sus ginoo!

Siguradong uulanin/babagyohin din ng batikos mga ‘igan ang pinirmahang 2017 national budget ni Ka Digong na kompirmadong nasingitan umano ng ‘pork barrel’ for the senators and congressmen. Aba’y ‘di malayong may tokhang–kickback na mangyayari…he he he…di naman siguro. Takot lang nila kay Ka Digong! So, be good lang always…

Happy New Year po!

Sa mga tiwaling lingkod bayan, partikular ang mga opisyal ng barangay, na silang ugat ng katarantaduhan at kawalanghiyaan sa barangay na kanilang nasasakupan, aba’y magbago nang hindi na kayo inuulan o binabagyo ng batikos dahil sa maling gawi at asal ninyo.

Be good lang din always… ‘ika nga, do the right things and do things right…

Happy New Year to all!

E-mail Add: [email protected]

Mobile Number: 09055159740

BATO-BATO BALANI
 ni Johnny Balani

COMMENTS

About Johnny Balani

Scroll To Top
 

Copyright hatawtabloid.com | All Rights Reserved