Tuesday , November 20 2018
Breaking News
You are here: Home / News / 1 patay, 10 sugatan sa trike vs truck
1 patay, 10 sugatan sa trike vs truck

1 patay, 10 sugatan sa trike vs truck

PATAY ang isang 16-anyos binatilyo habang siyam ang sugatan nang magbanggaan ang isang tricycle na sinasakyan ng mga biktima at isang Isuzu tanker truck sa Valenzuela City kamakalawa ng gabi.

Agad binawian ng buhay sa insidente ang biktimang  si Justine Vincent Del Rosario, ng 34 Filrizam St., Brgy.Canumay West ng lungsod, sanhi ng pinsala sa ulo at katawan.

READ MORE:  Erpat kalaboso sa 5 counts ng child abuse

Habang ginagamot sa Valenzuela Medical Center ang mga sugatan na sina Gerald De Jesus, 23; Gessele De Jesus, 15; Apple Faye, 15; Angelito Quinto Sangtiago, 14; Gian Charles Gasparin, 15; Angela Del Rosario, 15; Rhealyn Nacor, 15; Ma. Angel Narsoles, 12; at Rojan Karlo Encinas, 15, pawang ng Canumay West.

READ MORE:  Supporters ng suspended mayor nagbarikada (Sa Bulan, Sorsogon)

Sa imbestigasyon nina PO3 Waren Andres at SPO2 Chandru Nabio, dakong 8:45 pm minamaneho ni Melvin Asitre, 18, ng 36 Filrizam Sudb., Canumay West, ang tricycle (kolong-kolong) at binabagtas ang kahabaan ng T. Sangtiago St.,  Brgy. Lingunan sakay ang sampung biktima.

Sa pahayag sa pulisya ng saksing si Anthony Santos, nag-overtake si Asitre sa iba pang mga sasakyan kaya nakabanggaan ang Isuzu tanker truck (TJU-497) na minamaneho ni Rolando Rosales, 51, ng B-40, L-18, Phase 3, Dagat-Dagatan, Malabon City, binabagtas ang kabilang linya ng kalsada.

READ MORE:  Arroyo Deputy Speaker ng Kamara

Sumuko sa mga pulis ang driver ng tanker truck gayondin ang driver ng tricycle makaraan ang insidente.

(ROMMEL SALES)

COMMENTS

About Rommel Sales

Scroll To Top
 

Copyright hatawtabloid.com | All Rights Reserved