Thursday , January 17 2019
Breaking News
You are here: Home / News / Ilegal na pagawaan ng paputok sinalakay
Ilegal na pagawaan ng paputok sinalakay

Ilegal na pagawaan ng paputok sinalakay

SINALAKAY ng mga awtoridad ang isang ilegal na pagawaan ng paputok sa Cityland Subd., Brgy. Pulong Buhangin, Sta. Maria, Bulacan dakong 3:00 pm kamakalawa.

Natagpuan sa lugar ang mga mitsa, pulbura, materyales sa paggawa ng paputok, mga gamit sa paggawa, iba’t ibang label ng produkto at daan -daang finished products na kuwitis.

READ MORE:  Mercado sinungaling — JV Bautista

Ayon kay Supt. Raniel Valones, chief of police ng Sta. Maria PNP, nakaabot sa kanyang kaalaman ang operasyon ng ilegal na pagawaan ng paputok habang siya ay nag-iinspeksiyon sa isang drug rehabilitation center sa nabanggit na barangay.

READ MORE:  May the people win – Chiz

Kinilala ni Valones ang may-ari ng ilegal na pagawaan ng paputok na si Robert Blas, isang senior citizen, at residente sa bayan ng Bocaue, at dalawa pang kasama na sina alyas Jr. at alyas Gal.

READ MORE:  16-anyos dalagita dinukot, nireyp ng utol ng nanay

Napag-alaman, nagpulasan sa pagtakas ang tatlong kalalakihang gumagawa ng paputok kabilang ang may ari nang makita ang dumarating na mga pulis.

Naiwan sa pagawaan ang isa nilang kasamahang babae na siyang tagabalot ng finished products at ngayon ay iniimbestigahan ng pulisya.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top