Tuesday , November 13 2018
Breaking News
You are here: Home / News / 4 patay, 1 kritikal sa pamamaril
4 patay, 1 kritikal sa pamamaril

4 patay, 1 kritikal sa pamamaril

PATAY ang apat katao na hinihinalang sangkot sa ilegal na droga at krimen habang isa ang kritikal sa magkakahiwalay na pamamaril sa mga siyudad Taguig, Paranaque, Muntinlupa at Pasay nitong Martes ng gabi.

Kabilang sa mga napatay sina Jano Alfredo, ng Block 90, Purok 6, Brgy. Upper Bicutan, Taguig City, at Harwin Padasas, 38, ng Block 142, San Diego St., Purok 2, Brgy.  Central Bicutan ng lungsod, kapwa nasa drug watchlist ng pulisya.

READ MORE:  Duterte sa NPA: Drug lords patayin

Dakong 9:30 pm pinagbabaril si Alfredo ng hindi nakilalang mga suspek sa Veterans Road, Brgy. Western Bicutan, habang itinumba si Padasas sa Cadena de Amor Extension, Brgy. Wawa, Taguig City bandang 3:00 am.

READ MORE:  PNoy admin sinisi ni GMA sa kalusugan

Malubhang nasugatan si Crisanto Bustamante, 40, makaraan pagbabarilin ng hindi nakilalang mga suspek sa Sto. Niño St., Brgy. Sto. Niño, Parañaque City dakong 7:30 pm.

Sa ulat ng Pasay City Police, dakong 4:00 am natagpuan ang bangkay ng hindi kilalang lalaki sa C-5  Road Extension, Kalayaan Road, Brgy. 201 ng lungsod makaraan pagbabarilin ng hindi kilalang suspek.

READ MORE:  7 patay sa buy-bust sa Kyusi

Habang si Edward Andaya ng Brgy. Bayanan sa Muntinlupa City, ay natagpuang walang buhay habang nakagapos sa bakanteng lote sa Bukang Liwayway, Camp Sampaguita, NBP Reservation, Brgy. Poblacion ng naturang lungsod dakong 2:30 pm. (JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved