Thursday , September 20 2018
Breaking News
You are here: Home / News / Preso pumuga sa Bilibid
Preso pumuga sa Bilibid

Preso pumuga sa Bilibid

MASUSING iniimbestigahan ng Bureau of Corrections (BuCor) ang pagtakas  ng isang preso mula sa minimum security compound ng New Bilibid Prison (NBP) sa Muntinlupa City nitong Lunes ng madaling araw.

Kinilala ang nakapugang preso na si Nolan Cano y Navarro, 41, ng Casoy St., Verdant Acres Subdivision, Brgy. Pamplona 3, Las Piñas City.

Sentensiyado si Cano ng 10-17 taon pagkabilanggo ng Las Piñas Regional Trial Court (RTC) Branch 27 kaugnay sa kasong homicide noong 2 Disyembre 2008.

Sa ulat ni BuCor Director Benjamin Delos Santos, nakatakas si Cano sa kanyang selda sa minimum security compound ng NBP nitong Lunes ng madaling araw.

Patuloy na inaalam kung sino ang kasabwat na prison guard kaya nakatakas si Cano lalo’t mahigpit ang seguridad na ipinatutupad sa NBP.

Nakatakda sanang lumaya ngayong Disyembre si Cano dahil napagsilbihan na niya ang parusang hatol sa kanya sa kasong ‘di sinasadyang pagpatay.

Nakahanda na ang paglipat kay Cano sa Muntinlupa City Jail bunsod ng isa pang kasong hindi binanggit na marahil ay isa sa dahilan ng kanyang pagtakas sa NBP. (JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved