Wednesday , November 14 2018
Breaking News
You are here: Home / News / P.7-M alahas, cash tinangay ng dugo-dugo
P.7-M alahas, cash tinangay ng dugo-dugo

P.7-M alahas, cash tinangay ng dugo-dugo

UMABOT sa P700,000 halaga ng mga alahas at cash ang natangay ng hindi nakilalang babaeng hinihinalang miyembro ng “Dugo-Dugo” gang, mula sa isang 18-anyos estudyante sa Caloocan City kamakalawa ng hapon.

Sa nakatala sa blotter ng Caloocan Police Station Investigation Division (SID), nakatanggap ng tawag sa telepono ang biktimang si Chelsea Ericka Colaniba sa kanilang bahay sa 220 San Pedro St., Balut, Tondo Manila mula sa isang babae na nagsa-sabing nasangkot sa vehicular accident ang kanyang nanay at nangangailangan ng malaking halaga upang makalaya.

READ MORE:  Estudyante tigok, 1 pa kritikal sa amok  na BJMP officer

Inatasan ng suspek ang biktima na kunin ang nakatagong pera at mga alahas ng ina na sinunod ng estudyante.

Sinira niya ang kandado ng drawer sa kuwarto ng ina saka kinuha ang mga gintong alahas na aabot sa P100,000 at ang P600,000 cash.

Sinabihan ng suspek ang biktima na dalhin ang pera at mga alahas at magkita sila sa Puregold sa Monumento, Caloocan City na sinunod ng estudyante at mabilis na nagtungo sa naturang lugar.

READ MORE:  2 sugatan sa karambola ng 3 sasakyan sa flyover

Dakong 3:00 pm, nilapitan siya ng isang babaeng 35-40 ang edad at 5’4 hanggang 5’5 ang taas, sa Samson Road ng nasabing lungsod at sinabi ng suspek na siya ang inutusan ng abogado na may hawak sa kaso ng kanyang ina.

READ MORE:  Mag-anak niratrat mag-asawa patay

Ibinigay ng biktima sa suspek ang dalang bag na pinaglagyan ng pera at mga alahas bago mabilis na umalis ang babae saka muling tinawagan ang estudyante sa cellphone at sinabihang umuwi na.

Pagkauwi ng estudyante, sinabi niya sa kanyang ina ang nangyari na ikinadesmaya ng ginang.

Agad nagtungo ang mag-ina sa himpilan ng pulisya at humingi ng tulong para mahuli ang suspek.

( ROMMEL SALES )

COMMENTS

About Rommel Sales

Scroll To Top
 

Copyright hatawtabloid.com | All Rights Reserved