Tuesday , November 13 2018
Breaking News
You are here: Home / News / Bagong sin tax reform act balanse at angkop — Rep. de Vera

Bagong sin tax reform act balanse at angkop — Rep. de Vera

PATAS at makatuwiran ang panukalang batas na amiyendahan o baguhin ang Sin Tax Reform Act dahil bukod sa tataas na ang koleksiyon sa buwis makatutulong pa sa kalusugan.

Ayon kay Quirino Rep. Dakila Carlo Cua, chairman ng House committee on ways and means, mas angkop ang two-tier structure kaysa unitary tax system dahil depende ang koleksiyon ng buwis sa uri ng sigaril-yo na bibilhin kung kaya dapat maisulong ang House Bill (HB 4144) ni ABS party-list Rep. Eugene Michael de Vera.

READ MORE:  P2.606-T 2015 budget ihahain sa Kamara

“Parang imported na Mercedes-Benz at owner-type jeep, ipapantay mo ba ang kanilang excise tax na isang milyong piso pareho?” diin ni Cua.

Dagdag ni Cua, sa oras na maipatupad ang unitary tax system maraming trabahador sa tobacco companies ang matatanggal dahil sa hindi makatuwirang pagbubuwis na ipapataw sa kanilang mga kompanya sa pagpasok ng Enero sa susunod na taon.

READ MORE:  3 sugatan sa stray bullets 7 arestado, 7 tinutugis (Sa indiscriminate firing)

“Ang ating layunin dito ay magkaroon ng ba-lanse para sumigla ang kabuhayan ng tobacco farmers, habang unti-unti nating pinabababa ang prevalence of smoking pero madadagdagan ang revenue ng gobyerno para sa iba’t ibang popondohan ng Kongreso,” paliwanag ni Cua na naniniwala ring nasa 4.5 milyon katao ang hihinto sa paninigarilyo dahil sa panukalang excise tax.

READ MORE:  Barker utas sa sekyu

Sang-ayon kay House Deputy Minority Leader at Buhay Hayaang Yu-mabong (Buhay) party-list Rep. Lito Atienza sa wisdom ng proposal, huwag ipahintulot ang unitary tax dahil papatayin nito ang industriya ng tabako.

Kung magugunita, nanindigan si House Majority Floor Leader at Ilocos Norte Rep. Rodolfo “Rudy”Fariñas, na dapat mas mataas na buwis ang singilin sa mga branded kaysa pipitsuging sigaril-yo.

(JETHRO SINOCRUZ)

COMMENTS

About Jethro Sinocruz

Scroll To Top
 

Copyright hatawtabloid.com | All Rights Reserved