Nagbitiw ba o sinibak si VP Leni Robredo?

KUNG nag-resign sa Gabinete por delicadeza dapat noon pa niya ginawa.

Isa pa, dapat, hindi na rin niya tinanggap ang posisyon na inialok sa kanya ni Pangulong Rodrigo “Digong” Duterte sa Gabinete, kung may delicadeza nga talaga siya.

Ang tinutukoy po natin dito ‘e si Vice President Leni Robredo.

Kamakalawa, nakatanggap kami ng advisory from our Malacañang reporter na hindi na nga raw pinadadalo sa Cabinet meeting si VP Robredo.

Ipinapa-check pa lang namin sa isa pa naming reporter kung natanggap ba ni Madam Leni ang pasabi ng Pangulo ‘e bigla nang pumutok sa social media na nag-resign na raw bilang chairperson ng HUDCC ang bise presidente.

Siyempre, as usual, marami na namang espekulasyon ang pumutok. Kanya-kanyang haka-haka at ‘hula’ kung ano ang totoong dahilan ng pagre-resign ni VP Leni.

Siyempre, naging busy ang phone natin kahapon dahil kanya-kanyang tawagan, sa wakas ay tumining din nang makatanggap tayo ng mga eksaktong rason kung bakit nag-resign si VP Leni.

In the first place, hindi naman pala siya terminated as HUDCC (Housing and Urban Development Coordinating Council) chairperson. Inutusan lang siya na huwag na dumalo sa Cabinet meeting.

Ganito ang eksaktong text ni Cabinet Secretary Jun Evasco kay Madam VP: “Gd afternoon Madam Vice President. Mayor Duterte through Bong Go asked me to relay to you his instruction for you to desist from attending all Cabinet mtngs starting This Monday Dec. 5 2pm Ty.”

So klarong-klaro naman pala.

Hindi na siya pinadadalo sa Cabinet meeting pero hindi naman ibig sabihin na hindi na siya HUDCC chair.

May malaking dahilan siguro kaya ayaw na siyang padaluhin ni President Digong sa kanyang cabinet meeting.

Out of delicadeza, siguro, o dahil napahiya si Madam Leni, kailangan niyang magkaroon ng graceful exit, kaya siguro agad siyang naglabas ng press release na nag-resign siya as HUDCC chair.

Sa text message sa isang Malacañang reporter, sinabi ni CabSec Jun: “the reason is there are unreconcilable differences bet vp robredo and the admin headed by mayor Rodrigo roa duterte.”

Sinabi rin ni CabSec Evasco, “part iyon ng normal administration na if not support duterte then magresign…”

Sa tanong kung nakikita ba ng Palasyo na si VP leni ay may malaking bahagi sa oposisyon, tinugon ni CabSec, “Definitely, kc sya yung highest official of the opposition.”

Hindi naman siguro natin kailangan mag-readbetween the lines.

Malinaw naman siguro at klaro ang mensahe ni CabSec Jun.

In short, hindi cooperative at supportive si Madam Leni sa administrasyon ng ating Pangulong Duterte.

Hindi nga ba, laging kontra-pelo siya sa mga polisiya ni Duterte?

Kung patuloy na magiging tapat sa kanyang partidong Liberal Party si Madam Leni, iyon na siguro ang tama niyang gawin, mag-resign na lang.

Hindi siguro alam ni Madam Leni ‘yung minsang sinabi ni dating Pangulong Manuel L. Quezon: My loyalty to my party ends, where my loyalty to my country begins.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap