12-anyos anak 3 beses nireyp ng ama sa Aklan

KALIBO, Aklan – Nahaharap sa kasong panggagahasa ang isang padre de familia dahil sa panghahalay sa kanyang sariling anak sa Brgy. Kinalangay Viejo, Malinao, Aklan.

Sa report ni Senior Insp. Alfonso Manoba, hepe ng Malinao-Philippine National Police station, kinilala ang suspek na si Silverio Agustin, Jr., 44, isang magsasaka, residente ng naturang lugar, ama ng biktimang itinago sa pangalang Joy, 12-anyos.

Naaresto ang suspek sa bisa ng warrant of arrest sa isinagawang operasyon sa kanilang bahay.

Ayon kay Manoba, tatlong beses ginahasa ang biktima ng kanyang ama simula pa noong Enero at Pebrero ngayong taon.

Kasalukuyang nakakulong ang suspek at nasa P200,000 ang itinakdang piyansa ng korte para sa kanyang pansamantalang kalayaan.