Friday , March 29 2024

Jacky Woo, mahilig sa lutong Pinoy kaya itinayo ang Kusina Lokal

TUNAY na may pusong Pinoy ang Japanese actor, director, producer na si Jacky Woo. Bukod sa itinuturing niyang second home ang ‘Pinas, gusto niya ritong mamalagi at magtrabaho sa local showbiz scene. Pati ang ganda ng Pilipinas at mga masasarap na pagkain sa ating bansa ay gustong-gusto at ipinagmamalaki ni Jacky.

Ngayon ay nagtayo na rin siya ng business sa ating bansa. Isang restaurant ito na ang pangalan ay Kusina Lokal. Ito’y nagtatampok sa masasarap na pagkaing-Pinoy sa halagang abot-kaya. Matatagpuan ito sa Unit 20, Eton Centris Walk, Quezon Avenue, EDSA, Quezon City. Bukas ito ng 24 hours at sa mga gustong magpa-deliver or para sa reservation, puwede silang tumawag sa 372-71-60. Kasama sa nakita naming kakaiba sa menu ang Boneless Pork Lechon Belly, Binagoongang Bagnet, Kaldereta at Kare Kare Corned Beef, Mushroom Chicharon, at iba pa.

Suportado naman ng mga taga-showbiz ang Japanese actor at dumating sa grand opening nito recently sina Jaclyn Jose na nag-cut ng ribbon, Direk Joel Lamangan, ang komedyanteng si Diego, at ilang cast sa Bubble Gang, si Direk Arman Reyes, at iba pa. Si Direk Joel ang nagdirek ng pelikulang Tomodachi na pinagbidahan ni Jacky.

Unang business venture mo ba ito sa Pilipinas? “Opo first time, first business ko ito sa Pilipinas at susunod na branch nito ay sa Davao,” saad niya sa amin.

Bakit niya naisipang itayo ang restaurant na Kusina Lokal? “Gustong-gusto ko kasi ang Philippine food, kaya magtatayo pa ako ng ibang branch ng Kusina Lokal. Ang sarap-sarap ng hangin dito, relax ako rito at yung pagkain, gusto ko talaga,” tugon ni Jacky na this time ay sa tulong na ng interpreter.

Dagdag pa niya, “Ito lang ang simula, pero dadalhin ko ito sa ibang bansa, all over the world.”

Magbubukas ka rin ba ng Kusina Lokal sa Japan? “Oo naman, siyempre,” aniya pa.

Anong Pinoy food ang paborito mo? “Lahat, tulad ng Crispy Pata, Bicol Express, Sinigang, Kare-Kare at iba pa.”

Sa ngayon ay napapanood si Jacky sa Bubble Gang ng GMA-7. Nabanggit niya kung gaano siya kasayang maging bahagi ng naturang gag-show. “Sobrang saya ko rito sa Bubble Gang, sobrang nag-eenjoy ako sa pagiging part ng show na ito.”

Abala rin ngayon si Jacky sa paggawa ng pelikula sa Europe titled Location Hunting. Wagi rin siya sa katatapos na Berlin International- Film Festival as Best Director sa Japanese film na Kaikou na sa Pilipinas kinunan at mga Japanese actors ang mga nagsiganap. Kaya sa -acceptance speech niya ay inialay ni Jacky ang pelikula sa mga Pinoy.

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *