Media man sa Albay minamatyagan ng pulisya sa illegal drugs

LEGAZPI CITY – Nakatuon ngayon ang atensiyon ng PNP sa pagsasagawa nang mas pinalakas pang operasyon sa Oplan Double Barrel Alpha.

Kaugnay nito, inihayag ng tagapagsalita ng Albay Police Provincial Office, patuloy nilang bineberipika ang nakara-ting na impormasyong isang mamamahayag sa lalawigan ang sangkot sa ipinagbabawal na gamot.

Sinabi ni Chief Insp. Art Gomez, mino-monitor nila ang naturang media man at sakaling mapatunayan, ibibilang ang pangalan niya sa drug watchlist.

May mga nakarating din aniyang sumbong mula sa mga kapwa mamamahayag, na totoong sangkot sa ilegal na droga ang hindi pinangalanang kasapi ng media.

Samantala, umaasa si Gomez na negatibo ang magiging resulta ng imbestigasyon dahil sa malaking tiwala ng mga tao sa hanay ng mga mamamahayag.