HATAW! D'yaryo ng Bayan hatawtabloid.com
KUMPLETO na ang paghahanda ni Manny Pacquiao para sa kanyang WBO welterweight fight kay champion Jessie Vargas sa Thomas and Mack Center sa Linggo (Manila time).
Marami ang nag-aabang kung anong klaseng istilo ng laban ang gagamitin niya kontra Vargas.
Ayon sa mga nakapaligid kay Pacquiao, ang istilo ng laban na gagamitin niya ay yung ginawa niya sa laban kina boxing legend Oscar De La Hoya at Antonio Margarito.
Ito’y dahil sina De La Hoya at Margarito ay katulad ni Vargas na matangkad at mahahaba ang braso.
May taas na 5’10″ at reach na 71″ si Vargas kumpara sa height ni Pacquiao na 5’6″ at 67″ (reach).
“Dapat ako ang magdikta ng laban dahil matangkad siya,” ani Pacquiao. “May tatlong fight plans kami for him (Vargas), dahil he is young and strong champion.”
Alam ni Pacquiao ang galaw ni Vargas kaya hindi niya puwedeng maliitin ang kakayahan ni Vargas. ( ARABELA PRINCESS DAWA )
