Tuesday , December 11 2018
Breaking News
You are here: Home / Opinion / Kawawa ka naman brad…

Kawawa ka naman brad…

NAKALULUNGKOT na may mga kababayan tayo na hanggang ngayon ay takot na takot lumabas mula sa lilim ng palda ng mga Amerikano, na mas pipiliin nila ang hindi parehas na pakikipag-ugnay sa atin kaysa magkaroon tayo ng malayang ugnayang panlabas.

Ayon sa kanila ay malaki ang naitutulong daw sa atin ng mga Kano kaya hindi tayo dapat tumalikod sa kanila.

Wala naman tayong tinatalikuran. Nilalawakan lamang natin ang ating pananaw at hanay ng mga kaibigan. Hindi naisip ng mga bulag nating kababayan na dahil sa “mga tulong na iyon” ng mga Kano ay nanatiling bansot ang ating ekonomiya, mahina ang ating militar at magulo ang politika sa bansa. Hindi nila alam kung ano ang epekto ng neo-kolonyalismo.

Ang mga kababayan natin na nagpapakita ng kamangmangan ay bunga ng mahusay na panlilinlang ng mga Kano sa mga kababayan na nauna sa atin. Ito ‘yung henerasyon ng ating mga tatay na nagpakita sila ng malakas na pagiging maka-Amerikano sapagkat mahusay na naitago sa kanila ang tunay nating kalalagayan

READ MORE:  Nakabibilib si Mar Roxas

Ngunit ngayon, dahil sa usad ng teknolohiya, ay hindi na kayang ikubli ang ganitong madayang siste.

* * *

Bilang halimbawa, pansinin na pinagbentahan nga tayo ng mga Kano ng dalawang barko na kanilang pinaglumaan pero hindi naman nila ito nilagyan ng armas tulad ng missiles kaya ano ang silbi nito sa atin?

Ayaw nila tayong pagbentahan ng mga makabagong eroplano tulad ng F-16 pero kakampi raw nila tayo. Napabili tuloy tayo ng mga walang kuwentang jet mula sa Korea, mga jet na wala ring armas haaaayyyy…..

Lahat ng mga kapit bansa natin ay may makabagong jets tulad ng Mig at F-16 ngunit tayo na kakampi ng Amerika ay naka Tota-Tora pa rin.

READ MORE:  Impeachment at Quo Warranto, isang paliwanag (Wakas)

Kakampi tayo pero ayaw tayong bentahan ng armas na magagamit natin sa pagtatanggol natin sa sarili.

Ewan ko kung alam ninyo na sa panahon ng kasagsagan ng giyera sa Mindanao noong 1974 ay hindi tayo pinayagang bumili ng armas ng mga Amerikano sa kanila dahil kakampi rin nila ang Malaysia, ang bansa na nasa likod ng kaguluhan sa Mindanao? Ang nangyari ay sa Singapore pa tayo nakabili ng mga armas at bala na ginamit ng ating hukbo laban sa MNLF.

Ganito ba ang pagkakaibigang gusto ninyo? Tama si Pangulong Rodrigo Duterte na wakasan na ang ating dependensiya sa mga Amerikano… Bangon Bayan.

READ MORE:  Outstanding ‘intel’ kuno sa sabungan, sa illegal gambling dapat din sudsurin!

* * *

Mas mahal na raw ang shabu ngayon. Para sa karagdagang detalye ay pasyalan ninyo ang aking bagong e-news website,www.beyonddeadlines.com

Ang website na ito ay maglalaman ng mga malalalim na talakayan kaugnay sa mga pangyayari sa ating bayan at iba pang mahalagang impormasyon para sa pang-araw-araw nating buhay. Sana ay makaugalian din ninyo na bisitahin ang website na ito. Pakikalat ang balita tungkol sa www.beyonddeadlines.com

Salamat po.

* * *

Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Malapit lamang sa Metro Manila at mula sa resort na ito ay tanaw ninyo ang banal na bundok Makiling.

Magpadala ng mensahe sa www.facebook.com/privatehotspringresortpara sa karagdagang impormasyon o reserbasyon.

USAPING BAYAN – Rev. Nelson Flores, A.B., LI.B.

COMMENTS

About Nelson Forte Flores

Scroll To Top
 

Copyright hatawtabloid.com | All Rights Reserved