HATAW! D'yaryo ng Bayan hatawtabloid.com
PATAY ang dalawang lalaking hinihinalang gumagamit ng illegal na droga makaraan lumaban sa buy-bust operation ng mga pulis sa Quiapo, Maynila dakong 10:30 am kahapon.
Kinilala ang mga napatay sa alyas na Jerome at Jun Tausug, kapwa residente ng Concepcion Aguila St., Quiapo.
Ayon sa imbestigasyon ni SPO1 Bernardo Cayabyab, ng Manila Police District (MPD)-Crimes Against Persons Investigation Section (CAPIS), napatay ang mga suspek nang lumaban sa buy-bust operation sa Concepcion Aguila Street, kanto ng Pasaje del Carmen Street sa Quiapo.
( LEONARD BASILIO )
