Friday , March 29 2024

22-anyos Pinoy tiklo sa P20-M 5 kilos cocaine (Pagdating sa NAIA)

100416-cocaine-naia
NABIGONG makapasok sa bansa ang halos limang kilong (4.8 kgs) cocaine mula sa Brazil na dala ng isang 22-anyos estudyante, kinilalang si Jonjon Villamin, lulan ng Emirates Air flight EK332 (mula Brazil via Dubai) na lumapag sa Ninoy Aquino International Airport (NAIA) terminal 2, nitong Linggo ng gabi. Si Villamin ay mahigpit na inabangan ng grupo nina BOC-EG Depcomm Arnel Alcaraz at NAIA ESS chief, Capt. Reggie Tuason matapos matanggap nina PDEA Regional Director Wilkings Villanueva at NAIA District Collector Ed Macabeo ang A-1 information mula sa United States Drug Enforcement Agency (DEA) na isang pasaherong Filipino mula sa Brazil ang may dalang “high value drugs.” (Retrato mula sa Facebook account ni Raul Esperas, teksto ni JSY)

ARESTADO ang isang 22-anyos Filipino sa Ninoy Aquino International Airport makaraan makompiskahan ng halos limang kilo ng cocaine na tinatayang nasa P20 milyon ang halaga nitong Linggo ng hapon.

Ayon kay Wilkins Villanueva, regional director ng Philippine Drug Enforcement Agency, si Jonjon Villamin ay naaresto sa Ninoy Aquino International Airport (NAIA) Terminal 3 dakong 4:40 pm.

Dumating ang suspek sa NAIA, lulan ng Emirates Airline flight EK 332 mula sa Brazil via Dubai.

Ayon kay Villaminm nakilala at naging kaibigan niya ang  isang Brazilian national makaraang bumili ng SIM card sa kanya noong siya ay nagtatrabaho sa isang communication company.

Aniya, isang araw, inalok siyang sumama sa Brazil nang walang ano mang aalalahanin sa lahat nang gastusin kabilang ang hotel accommodation at pocket money.

Habang nasa Brazil, hiniling ng Brazilian na dalhin ang dalawang bagahe sa Maynila na hindi man lang niya tinanong kung ano ang mga laman.

Sa Maynila, nakatanggap sina PDEA Regional Director Wilkings Villanueva at NAIA District Collector Ed Macabeo ng A-1 information mula sa United States Drug Enforcement Agency (DEA) na isang pasaherong Filipino na manggagaling sa Brazil ang may dalang “high value drugs.”

Pagdating ni Villamin sa arrival ng NAIA terminal 3, sinabihan nina AIDTF head Sherwin Andrada at NAIA Customs police chief Reggie Tuason si Villamin na pumasok sa tanggapan ng Customs para sa inspeksiyon ng kanyang mga bagahe.

Natagpuan ang cocaine, na tinatayang may street value na mahigit sa P20 milyon, nakatago sa false bottom at sidings ng dalawang suitcases.

Muling umapela ang Customs at PDEA sa Filipino travelers na huwag tumanggap ng suitcases mula sa mga taong hindi lubusang kilala upang hindi mapariwara o humantong sa pagkakakulong.

Ang suspek ay sasampahan ng kasong paglabag sa Comprehensive Dangerous Drugs Act.

( GLORIA GALUNO )

About Gloria Galuno

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *