4 bata, bebot patay sa sunog sa Quezon

PATAY ang limang indibidwal, kabilang ang apat bata at isang babae, nang masunog ang isang residential area sa Brgy. Lalo, Tayabas, Quezon nitong Sabado ng gabi.

Sa report mula kay Quezon Police Supt. Arturo Browale, nakatanggap sila ng tawag na may naganap na sunog sa Sitio Walang Diyos partikular sa bahay ng isang Gigi Rey.

Apat na katabing bahay ang nadamay sa sunog na naapula pasado hatinggabi.

Sa kasunod na retrieval operation, lima ang natagpuang patay sa bahay na pinagmulan ng sunog.

Kinilala ang mga namatay na sina Joanna Marie Diurante, 28; Jun Lord Rey Balabis, 12; Desiree Rey, 7; Paul Jake Rey, 5 at Julian Rey Balabis, 3-anyos.

Kasalukuyang iniimbestigahan ng Tayabas Police ang insidente.