Sa Maynila 3 patay sa tokhang

PATAY ang tatlo katao sa ipinatupad na Oplan Tokhang ng mga awtoridad sa magkakahiwalay na lugar sa Maynila habang isang lalaki ang pinatay ng riding-in-tandem suspect.

Ayon sa ulat ng pulisya, kinilala ang mga napatay sa buy-bust operation ng mga tauhan Manila Police District (MPD) na sina Gideon Miranda, 32; Daniel Petrache, 31, at Michael Serrano, 35-anyos.

Samantala, namatay ang isang pedicab driver na si Michael Gliponea, 38-anyos, nang pagbabarilin ng dalawang lalaking lulan ng motorsiklo sa Cordillera St., Bacood, Sta. Mesa, Maynila.

( LEONARD BASILIO )