INILABAS na ng Department of National Defense (DND) ang mga larawan na kuha ng mga miyembro ng Naval Intelligence Service Group (NISG) at Naval Aviation Group (NAG), ng mga barko ng China na namataan sa bahagi ng Bajo de Masinloc o Scarborough Shoal na bahagi ng Exclusive Economic Zone (EEZ) ng Filipinas.
Mismong si Defense Sec. Delfin Lorenzana ang nag-utos na ilabas sa media ang nasabing mga larawan.
Batay sa report, nasa 10 Chinese ships ang nakapaligid sa Scarborough Shoal, apat dito ay barko ng Chinese Coast Guard.
Batay sa time stamp ng mga larawan, kinunan ang mga ito noong Sabado, Setyembre 3, 2016.
Sa kabilang dako, wala pang pahayag na inilabas ang Defense department kasunod nang pagpapalabas nila ng mga larawan.