Friday , March 29 2024

Coco at Onyok, most requested ng mga Pinoy sa New York

DAHIL sa balitang maganda ang ASAP in New York USA ay, “sana dalhin din ang ‘ASAP’ dito sa Chicago (Illinois), manonood talaga kami,” sabi ng aming pinsan sa nasabing bansa.

Sa Barclay Center ginanap ang ASAP Live in NYC noong Setyembre 3 (Linggo ng hapon sa Pilipinas) at balita rin namin ay may mga lumipad pang taga-London to New York para lang manood ng nasabing show ng Kapamilya stars.

Pasado 2:00 a.m. ay katsikahan namin ang mga tita at kaibigan tungkol sa ginanap na ASAP New York na ang taas pa ng energy nilang nagkukuwento na ang saya-saya at tuwang-tuwa dahil ang gaganda raw ng production numbers at “ang guguwapo at ang gaganda ng artista ng ‘ASAP’.”

Noong Pebrero ay kinukulit na kami ng mga kamag-anak at kaibigan  sa NYC at New Jersey nang malaman nilang sa Barclay Center gaganapin ang ASAP kung kailan magre-release ng tickets dahil gusto na nilang bumili kaagad.

Natawa naman ‘yung taga-ASAP na tinanungan namin dahil nga ang aga naman daw kasi Pebrero palang, eh, July pa lang daw magre-release ng tickets.

Ang daming humiyaw kay Onyok na ang cute raw na unang beses makarating sa Amerika at New York kaagad ang destinasyon huh, ang taray talaga ni bagets.

Kasama ni Onyok si Coco Martin na most requested daw ng mga Pinoy sa Amerika dahil sa top rating show na FPJ’s Ang Probinsyano.

Bait na bait din ang mga kausap namin kay Gerald Anderson na talagang lumapit pa sa audience para magpa-picture.

Ang dami pang kuwento sa amin ng tita ko, pero hindi na namin kinaya ang antok kaya hindi namin natandaan na ang iba pa, pero lahat naman ay positibo at babalikan na lang namin tungkol sa ibang kuwento.

Samantala, nagpapasalamat ang mga kababayang Pinoy sa New York sa The Filipino Channel o TFC sa pagdala ng ASAP dahil once in a lifetime raw ito.

“Bago pa ang ‘ASAP’, nakita namin ‘yung ibang artists dito sa Manhattan, naglilibot sila, para silang hindi artista, looks ordinary at mababait, laging naka-smile kapag may mga nasasalubong silang Pinoy,” sabi sa amin.

Sabi pa, “ang cute nina Daniel (Padilla) at Kathryn (Bernardo) sobrang ganda ni Liza (Soberano), ang galing ng Birit Queens, pogi n Gerald, bagay talaga sila ni Kim (Chiu), kakatuwa si Luis (Manzano).”

Binabati namin ang buong ASAP Team at TFC dahil napaligaya ninyo ang mga kababayan nating Pinoy sa NYC.

So, Chicago, Illinois naman ang next?

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *