Thursday , March 28 2024

Sino-sino nga ba ang puwedeng gumanap sa bio-film ni De Lima?

SINO kaya kina Iza Calzado, Dawn Zulueta, Shamaine Centenera, o Eugene Domingo, o Vilma Santos o Susan Roces ang pinaka-credible na gumanap  na Leila De Lima sakaling may magkalakas-loob na gumawa ng pelikula tungkol sa ngayon ay napakakontrobersiyal na senadora?

At puwede rin ngang pagpilian sina Cherie Gil, Eula Valdez, Princess Punzalan, at Sylvia Sanchez? Gusto n’yo bang isali rin sa pagpipilian sina Candy Pangilinan, Ethel Booba, at Keanna Reeves?

‘Yan ang minsan ay pinagbalitaktakan ng isang kumpol ng mga katoto namin sa panulat. Naganap ang huntahan ilang araw bago mag-viral sa social media ang litrato ng katoto naming Roldan F. Castro na napagkamalang ang mahiwagang driver ng senadora na umano’y lover din ng senadora at kolektor (daw) ng mga datung na suhol daw para sa pagpoprotekta nito sa mga druglord sa loob at labas ng Bilibid. Hehehe! ‘Di namin ipagtatapat kung isa si Roldan sa mga katsika namin noong gabing ‘yon sa kung-saan. Basta, isang kulumpon kami!

At dahil nga tsikahan/etchingan lang ‘yon, ‘di na ni-resolve kung sino ba sa mga nabanggit ang pinaka-effective na gumanap na Sen. De Lima na isang abogada,  dating Secretary of Justice, hiwalay sa asawa, at may dalawang anak.

Sayang at ‘di na umabot ang luka-lukahang usapan na ‘yon kung sino ang puwedeng pinaka-credible na makapagdidirehe ng bio-film ng magiting na senadora. Si Joel Lamangan ba? Si Joey Javier Reyes? Si Lav Diaz? O si Brillante Mendoza?

Pero may naihabol pang suggestion kung sino ang okey na okey na gumanap na driver na pinagbibintangang sweet lover ng senadora. Puwede raw pagpilian sina ex-senator Lito Lapid, ex-mayor Joey Marquez. Huwag na raw munang isama sa listahan ang dalawang nakakulong pang senador na sina Bong Revilla at Jinggoy Estrada.

Opo, ganoon ang showbiz media: marami ring haka at fantasia tungkol sa politika at mga politiko. At hindi lang naman ang mga politikong nagmula sa showbiz ang nakakahalubilo at naiinterbyu namin, kundi pati na ‘yung mga ‘di taga-showbiz. Iniimbita rin kami sa press conferences ng mga politiko. Mayroon ding nag-ieskedyul ng mga presscon na exclusive para sa showbiz media, lalo na tuwing panahon ng kampanya para sa eleksiyon—at ‘yon ang dahilan kung bakit may picture ang katotong Roldan kasama ang noon ay nangangampanyang ex-Justice Secretary.

KITANG-KITA KO – Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *