Tuesday , June 15 2021
Breaking News
You are here: Home / Showbiz / Pinay Romanian Got Talent finalist, nasa bansa
Pinay Romanian Got Talent finalist, nasa bansa

Pinay Romanian Got Talent finalist, nasa bansa

NASA bansa ngayon ang Pinay/international singer na si Resciebelle Santiago, finalist sa 2016 Romania Got Talent pero hindi niya kasama ang guwapong Romanian boyfriend.

Anang dalaga nang ipakilala siya ng kanyang BF sa magulang nito, “Noong una nila akong nakita sobrang happy nila, sobrang sweet ko raw at matulungin.

“Kasi tumutulong ako sa mga gawaing bahay doon na normal naman sa ating mga Filipino ‘pag nasa ibang bahay tayo, at saka ganoon ako pinalaki ng lola ko.

“Sobrang love nila ako, kasi ‘yung mommy niya laging sinasabi sa akin na ‘I love you … i love you.’

“At saka sobrang alaga talaga lalo na kapag magkakasakit ako.

“Pero ‘yung boyfriend ko hindi pa nakikilala ng family ko personally, kasi sa skype pa lang siya nakikita at doon ko pa lang siya ipinakilala.

“Plano niya ngayong third week ng August na pumunta ng Pilipinas para ma-meet ang family ko,” mahabang kuwento ni Resciebelle.

Hindi naman daw ito nahihirapan na pag aralan ang lengguwahe sa Romania. “Noong una po nahirapan ako, pero dahil lagi ko na siyang naririnig, nasanay na rin at natutuhan ko nang gamitin.

“Tapos ‘yung mama ng BF ko ‘di marunong mag-English kaya kailangan ko talaga matuto magsalita ng salita nila.

“Hindi naman po siya mahirap kung gusto mo makakaya mo,”  pagtatapos na ng Pinay International singer.

MATABIL – John Fontanilla

About John Fontanilla

Leave a Reply

Your email address will not be published. Required fields are marked *

*

Scroll To Top