Friday , March 29 2024

Bela, muling gagawa ng serye sa Dreamscape ng ABS-CBN

00 fact sheet reggeeSANDALI naming nakatsikahan si Bela Padilla pagkatapos ng Q and A presscon ng Camp Sawi na idinirehe ni Irene Villamor at Creative director naman si Binibining Joyce Bernal produced ng Viva Films at N2 Productions noong Martes ng gabi.

Sa loob ng ladies room ng Le Reve Events Place pa kami nagkuwentuhan ni Bela at tinanong namin kung ano ang project niya sa ABS-CBN pagkatapos ng FPJ’s Ang Probinsyano.

“May bago po akong soap hindi ko palang po alam kung ano ang title kaya nakatutuwa po,” kaswal na sabi ng dalaga habang nag-aayos ng damit niya.

Dagdag pa ni Bela, “under Dreamscape (Entertainment) po ulit, kaya ang saya. Hindi ko lang po alam sino ang makakasama ko kasi hindi pa sure ‘yung leading man kasi may soap daw na gagawin.”

Sa madaling salita, hindi totoong naging pasaway si Bela tulad ng mga nasulat kaya kaagad siyang tsinugi sa asksiyon serye ni Coco Martin dahil muli siyang kinuha ng Dreamscape Entertainment.

Tinanong namin si Bela kung speaking terms sila ni Maja Salvador na kaya raw umalis sa Ang Probinsyano ay dahil hindi kuntento sa role niya bilang babaeng pulis.

May lumutang pang tsika na mas maganda pa raw ang papel ni Bela dahil asawa siya ni Ador na kakambal ni Cardo at ni Arjo Atayde bilang si Joaquin Tuazon.

“Wala naman po akong alam na dahilan para hindi kami okay kasi po hindi naman kami nagkaka-eksena, magkaibang unit po kami, minsan lang ‘yung nagkasama kami, ang alam ko po, okay naman kami,” nagtatakang sabi ng dalaga.

Sa ginanap namang Q and A ng Camp Sawi ay inamin ni Bela na matagal daw siyang nakapag-move on pagdating sa pag-ibig dahil three years daw inabot bago siya naging okay.

“Sentimental po kasi akong tao kaya matagal bago ako makapag-move on. Actually, ‘yung three years na ‘yun, tuloy-tuloy ang trabaho ko, taping ako everyday kaya hindi ko siya naiisip.

“Kaya hindi rin ako naka-move on kasi hindi ko nabigyan ang sarili ko ng time na umiyak or pag-isipan dahil nagtrabaho ako ng nagtrabaho tapos nawala na lang mag-isa. Wala akong specific na ginawa masyado,” katwiran ng aktres.

Makakasama ni Bela sina Andi Eigenmann, Yassi Pressman, Kim Molina, Arci Munoz sa Camp Sawi at ka-join din sina Sam Milby at Jerald Napoles na mapapanood na sa Agosto 24 nationwide.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *