Sylvia, ‘di iiwan si Smokey

“ALAM mong mahal kita at kahit anong mangyari hinding hindi kita iiwan, sabi mo nga nong nacoma manager natin, tanong mo sa akin kinabukasan, ate, paano na tayo ngayon?  sinagot kita basta kng san ako don ka at kung san ka don ako  pinangako natin sa isat isa mula non na hindi tayo maghihiwalay na magkapatid kaya heto tayo ngayon, magkakasamang masaya walang iwanan!!” Ito ang post ng mahusay na aktres at bida sa inaabangang Teleserye SA Kapamilya  Network, ang The Greatest Love na si Sylvia Sanchez sa pagdiriwang ng kaarawan ng isa sa itinuturing nitong ka-pamilyang actor, si Brian Paul Manaloto aka Smokey Manaloto.

Wish ni Sylvia kay Smokey, “Wish ko sayo?Ang maging maligaya ka habangbuhay at makamit mo lahat ng minimithi mo at mag asawa ka na hahaha para may mga pamangkin na ako sayo hahaha basta pangako moks, dito lang ako lagi para sayo, mahal na mahal kita at ng pamilya koþ maligayang kaarawan syo brian paul manaloto

Kainan at inuman na!!!! Yahooo!! Manlibre ka naaaa!!” Pangako nga ni Sylvia kay Smokey na kahit anong mangyari ay hindi niya ito iiwan at pababayaan dahil higit pa sa kapwa artista ang turing niya at bilang kabahagi ng kanilang pamilya.

MATABIL – John Fontanilla