Friday , March 29 2024

AB crowd, tiyak na pupuno sa Richard and Richard The Chinito Crooners: A Salute To Classic Love Songs concert

00 fact sheet reggeeSPEAKING of Richard Yap, magkakaroon sila ng show ni Richard Poon sa The Theater at Solaire sa Agosto 26, Sabado.

Naisip ng Cornerstone Entertainment CEO na si Erickson Raymundo na pagsamahin sa isang concert sina Poon at Yap na parehong ‘chinito’ at nakasisiguro siyang papatok ito sa mahihilig manood ng show lalo na ang Chinese community na parating sinusuportahan ang dalawa.

Why not? May album na rin si Yap na inilabas noong 2013 kasabay ng seryeng Be Careful with My Heart at talagang kumita rin dahil halos ang mga kanta ay ginawang theme song ng kilig-serye nila ni Jodi Sta. Maria.

Mas marami nga lang kantang puwedeng i-contribute si Poon dahil sa rami ng album na nagawa na niya na umabot pa sa Gold at Platinum awards.

At noong makausap namin ang dalawang Richard sa promo pictorial nila ilang buwan na ang nakararaan ay nabanggit sa amin ni RP (Richard Poon) na gagawa sila ng album ni RY (Richard Yap) na ang kanya ay Sinatra songs samantalang pop hits songs ng 80’s at 90’s naman ang sa huli.

At ngayon ay sabay na pala ang launching ng album sa concert nilang Richard and Richard The Chinito Crooners: A Salute To Classic Love Songs na mapapanood sa The Theater at Solaire, Agosto 26-Biyernes, 8:00 p.m..

Kuwento ni Ser Chief, ”we’re trying to revive the older songs which have very nice lyrics and make the younger ones appreciate it and making them more upbeat. So I hope magugustuhan ng younger generation as well as generation din namin.

Sabi naman ni Poon, ”ako naman, I see na ang market namin ay nanay at lola, walang choice ang anak kundi sumama dahil ang nanay ang bumili ng ticket. ‘Yung mga kanta, I agree with Richard (Yap) na ‘yung mga kanta ay gagawin naming upbeat so that the younger ones won’t say na it’s boring concert, it’s exciting energetic concert kaya ‘yun ang gagawin namin.

Sigurado kaming AB crowd ang pupuno ng show nina Yap at Poon sa The Theater ng Solaire dahil sa Chinese community na loyal supporters nila.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *