Friday , March 29 2024

Duterte, Kerry talk everything agree nothing (US$32-M alok sa PH tiniyak)

072816_FRONT

TINIYAK ni Pangulong Rodrigo Duterte kay US Secretary of State Johhn Kerry na igigiit ng Filipinas sa Beijing ang pagmamay-ari ng bansa sa mga inaangking teritoryo ng China sa West Philippine Sea (WPS).

Sa press briefing sa Palasyo ni Presidential Spokesman Ernesto Abella makaraan ang courtesy visit ni Kerry kay Duterte, sinabi niyang walang nabuong kasunduan ang dalawang leader hinggil sa implementasyon ng desisyon ng Permanent Court of Arbitration (PCA) na sakop ng 200-mile exclusive economic zone ang WPS.

“There was no agreement except that whatever talks we will engage in will begin with the ruling that will be the foundation the ruling regarding the area,” ani Abella.

Habang magkasalo sa tanghalian sina Duterte at Kerry ay tinalakay rin nila ang terorismo, krimen, illegal drugs, religious fanaticism at maritime security ngunit hindi tinuran ni Abella ang tinukoy niyang “menu of solutions.”

Nangako aniya si Kerry na magbibigay ng $32-M ang US sa Filipinas para sa pagsasanay sa pagpapatupad ng batas ngunit hindi sinabi ni Abella kung para ito sa pagpapatupad ng PCA ruling laban sa China.

Pati ang hilig nila pareho sa motorsiklo at nakatutuwang karanasan ni Kerry ay napag-usapan, sabi ni Abella.

Maging ang hinanakit at mapapait na karanasan ng mga taga-Mindanao sa kamay ng mga Amerikano at mga mananakop noong 1521 ay inilitanya rin ni Duterte kay Kerry.

“He mentioned again in 1521 how American and other colonial powers actually inflicted historical pain upon the residents of Mindanao,” ani Abella.

Ikinuwento ni Kerry ang kanyang papel noong 1986 snap elections sa Filipinas bilang observer nang siya’y senador pa lamang.

Ipinaliwanag  ni Kerry kay Duterte ang mga isyu hinggil sa Climate Change Agreement at tiniyak ng Pangulo na susunod ang Filipinas basta ito’y maging patas.

“They touched on climate change and Mr Kerry was helpful in defining issues on Paris pact. The pres also responded appropriately he said the Philippines will work out as long as everything is fair,” dagdag ni Abella.

Samantala, hindi naalarma si Kerry bagkus ay pinakinggan ang pagsasalaysay ni Duterte kung paano niya tinutugunan ang paglaban sa illegal drugs ng kanyang administrasyon.

“There was no alarm mentioned there. President Duterte did mention the way he has been handling the war against crime especially the narcotic plague. He (Kerry) was listening,” ani Abella.

ni ROSE NOVENARIO

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *