Wednesday , June 16 2021
Breaking News
You are here: Home / Showbiz / Trina Legaspi, wish sundan ang yapak ni Judy Ann Santos
Trina Legaspi, wish sundan ang yapak ni Judy Ann Santos

Trina Legaspi, wish sundan ang yapak ni Judy Ann Santos

00 Alam mo na NonieMAGANDA ang pasok ng mga pelikula ngayong taon para kay Trina Legaspi. Mula nang nagtapos ng kolehiyo this year, sunod-sunod ang movies ng dating child actress. After ng I Love You To Death at Pare, Mahal Mo raw Ako, ang next movie naman niya ay Kusina na tinatampukan ni Judy Ann Santos at isa sa entry sa 12th Cinemalaya.

Ano ang reaksiyon mo na sunod-sunod ngayon ang movies mo? “Well, I’m very happy, kasi ngayong nakapagtapos na ako ng college, I think mas makakapag-focus na ako sa showbiz. Happy na, even though parang nagsisimula ulit ako, nabibigyan ako ng opportunity for movies,” wika ni Trina.

Nabanggit din niyang kahit hindi sila nagka-eksena ni Juday ay malaking bagay daw sa kanya na maging younger version ng aktres. Umaasa rin daw siyang mabibigyan ng pagkakataon na masundan ang yapak ni Juday.

“Hindi ko siya naka-eksena, pero I feel honored na ako iyong younger version niya. Kasi, veteran actress siya and I m hoping na parang masundan ko rin yung footsteps ni Ms. Judy Ann Santos na makilala sa galing sa pag-arte.”

Isa raw si Juday sa ina-idolize ni Trina. “Yes, kasi ay magaling talaga siya at hindi ba nanalo na siya sa Gawad Urian ng Best Actress? So, hopefully ay ma-recognize rin sana ang talent ko bilang artista dahil I’m very passionate about this craft. Sana magtuloy-tuloy na rin po ito, para mas mai-showcase ko rin ang iba ko pang talent, like singing and hosting. Sana ay mabigyan din po ng opportunities.

“I think everything happens at the right time. Kasi iyong iba ay parang sinasabi na napag-iiwanan ako. Kumbaga, ‘yung mga ka-batch ko, ang layo ng narating. Pero I’m happy for what they’re achieving, kasi ay deserve naman nila iyon.

“Ako ‘yun nga, maybe kailangan ko muna talagang tapusin ang pag-aaral ko tapos ay tsaka ako mag-focus sa career ko, gaya nang nangyayari ngayon.”

Wish din daw ni Trina na magkaroon ng regular TV show sa ABS CBN. “Sana ay mabigyan din ako ng regular show sa ABS CBN, para naman… kahit drama or comedy. Kasi, I think iyong training ground ko sa Goin Bulilit, parang kahit saan ay puwede kang ilagay, e. Kahit na drama iyan or comedy,” saad niya.

Ang Cinemalaya ay magaganap sa August 5 to 14 sa main venue nito sa Cultural Center of the Philippines (CCP), pati na rin sa Ayala Cinemas-Greenbelt 3 at Glorietta sa Makati City; Trinoma at UP Town Center sa Quezon City; at Nuvali, Sta Rosa, Laguna. Gaganapin din ito sa Ayala Center Cebu mula August 9 to 14. Bukod kina Juday at Trina, ang Kusina ay tinatampukan din nina Gloria Sevilla, Joem Bascon, Luis Alandy, at iba pa. Ito’y mula sa direksiyon nina David Corpuz at Cenon Palomares.

ALAM MO NA! – Nonie V. Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top