Thursday , March 28 2024
dead gun police

6 drug pusher patay, 1 sugatan sa tandem

PATAY ang anim hinihinalang mga drug pusher habang isa ang sugatan makaraan pagbabarilin ng hindi nakilalang mga suspek na magkaangkas sa motorsiklo sa magkakahiwalay na insidente sa lungsod ng Las Piñas at Pasay kamakalawa.

Ayon sa ulat ni Chief Insp. Rolando Baula, hepe ng Station Investigation and Detective Management Branch (SIDMB) ng Pasay City Police, ang mga namatay ay kinilalang sina Ramon Francisco, Adrian Esguerra, Maria Victoria Javier, 47; isang alyas Boy Mata, 45, habang malubha ang isang Pepito Gemelio, 69, ng 665 Gloria St., Brgy. 130.

Binawian ng buhay sa Manila Santarium si Francisco sanhi ng ilang tama ng bala sa katawan makaraan pagbabarilin ng dalawang suspek na sakay ng isang motorsiklo sa 330 Taylo Street dakong 9:15 pm.

Nalagutan ng hininga sa Pasay City General Hospital (PCGH) sina Esguerra at Javier nang pagbabarilin ng dalawang lalaking nakasuot ng helmet dakong 7:30 pm sa M. Dela Cruz at D. Jorge St. habang nasugatan si Gemelio na dinala sa Manila Sanitarium Hospital.

Makaraan ang pamamaril, nilagyan ng mga suspek ng karatula sa katawan ang napatay na sina Esguerra at Javier, nakasulat ang katagang  “Tulak Ayaw Tumigil Sa Pagtutulak”.

Habang si Mata ay ideklarang dead on arrival sa PCGH makaraan siyang barilin ng mga suspek sa EDSA, Brgy. 147, Zone 16, Pasay City dakong 1:10 a.m.

Sa Las Piñas City, bandang 2:00 am kahapon nang mamatay ang mag-live-in partner na ‘drug pusher’ na sina Sadam Avia at  Shiela Mariel Pasayon, sanhi ng mga tama ng bala sa iba’t ibang bahagi ng katawan mula sa  kalible .45 baril.

Natuklasan ng mga residente ang bangkay nina Avia at Pasayon sa loob ng isang berdeng tricycle sa panulukan ng Mahogany at Sampaloc Streets.

( JAJA GARCIA )

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *