Peanut butter at chicken, pinaglilihian ni Toni

Roldan Castro July 9, 2016 Showbiz

HINDI hadlang ang pagbubuntis ni Toni Gonzaga para gawin niya ang Pinoy Big Brother kahit may sitcom pa siyang Home Sweetie Home.

Ayon kay Direk Paul Soriano sa presscon ng pelikula niyang Dukot, healthy naman si Toni sabi ng kanyang doctor. Basta raw may tamang pahinga si Toni at safe ang working conditions nito ay puwede pa siyang mapanood sa telebisyon.

Sey pa ni Direk Paul, fried chicken at peanut ang nakahihiligang kainin ng actress-TV host.

Anyway, may hashtag na #HSHBoyorGirl ang episode ngayong Sabado sa Home Sweetie Home. Guest si Maja Salvador. Maloloka si Julie (Toni) dahil ginawang pustahan kung ano ang gender ng ipinagbubuntis niya at nauwi sa big-time na sugal.

Iimbestigahan pa ito ni SPO1 Glenda Corpuz (Maja). Mag-a-undercover pa ito at aalamin kung sino ang mastermind ng sugalan. Mapagbibintangan pa ang mag-asawang Romeo (John Lloyd Cruz) at Julie.

Alamin kung ano ang magaganap sa Home Sweetie Home.

TALBOG – Roldan Castro