Drug user, pusher hinarana ng pulisya sa Davao Del Norte

HINARANA ng mga pulis sa bayan ng Kapalong Davao del Norte para kusang sumuko ang mga drug user at pusher.

Ayon kay Chief Inspector Michael Seguido, hepe ng PNP sa Kapolong Davao del Norte, nagresulta sa pagsuko ng daan-daang kataong sangkot sa illegal drugs ang kanilang Project Marianita.

Araw-araw aniya silang nagha-house to house sa bawat barangay para haranahin ang sino mang drug user o pusher upang sumama sa kanila.

Sa unang araw pa lamang aniya nang kanilang paghaharana, 60 agad ang nahikayat na sumuko sa mga awiting “Magbago ka” ni Freddie Aguilar at “Gising na Kaibigan” ng grupong Asin.

Plano ng pamahalaan ng Kapalong at ng PNP na ikutin ang lahat ng 14 barangay ng bayan upang haranahin ang mga sangkot sa droga.