Friday , March 29 2024

Duterte nag-flying kiss sa media (Peace-offering?)

SA isang flying kiss kaya nagtapos ang self-imposed media boycott ni Pangulong Rodrigo Duterte?

Napuna kamakalawa na pinansin ni Pangulong Duterte ang grupo ng Malacañang reporters sa pagdiriwang ng ika-69  anibersaryo ng Philippine Air Force (PAF) sa Clark, Pampanga.

Tinawag ng Malacañang reporters ang pansin ni Pangulong Duterte habang nakasakay sa white carabao jeep sa ‘trooping the line’ ng Airmen at sinigawan nila ng “Hello sir!” at tumugon ang pangulo ng isang “flying kiss.”

Magugunitang nagpatupad ng media boycott si Duterte bilang tugon sa naunang panawagan ng Reporters Without Borders sa Filipino mediamen na i-boykot si Duterte nang ihayag na karamihan sa napapaslang na mga mamamahayag sa bansa ay mga “corrupt at biased.”

Mula noon ay hindi na nagpaunlak ng ano mang panayam si Duterte sa media na nagbabantay sa kanya habang president-elect pa sa Davao City.

Nang manumpa at maupong ika-16 pangulo noong 30 Hunyo ay hindi pinayagan ang private media na mag-cover sa kanya sa Malacañang bagkus ang pinayagan lamang ay state-run na PTV 4 at RTVM.

Samantala, umaasa si Communications  Secretary Martin Andanar na magbabago ang pakikitungo ni Pangulong Duterte sa media sa tamang panahon upang magkaroon muli nang magandang relasyon ang chief executive sa mga mamamahayag.

( ROSE NOVENARIO )

BAHAY PANGARAP OFFICIAL RESIDENCE NG PANGULO

ANG Bahay Pangarap, ang magiging official residence ni Pangulong Rodrigo Duterte hanggang matapos ang kanyang termino sa 2022.

Sa susunod na linggo ay lilipat na si Duterte sa Bahay Pangarap, ayon kay Special Assistant to the President Cristopher “Bong” Go.

Ang Bahay Pangarap ay nasa loob ng Presidential Security Group (PSG) compound sa Otis St., Paco, Maynila na Ilog Pasig lang ang pagitan sa Malacañang.

Ipinagawa ito para maging official residence ni dating Pangulong Benigno Aquino III noong 2010 dahil bilang soltero ay masyado raw malaki ang Malacañang para sa kanya.

Tulad ni Aquino, si Duterte ay single din dahil napawalang bisa na ang kasal sa asawang si Elizabeth Zimmerman noong 2001 ngunit magkasama sila sa bahay ng common-law wife na si Honeylet Avancena at 12-anyos nilang anak sa Davao City.

Nauna nang sinabi ni Duterte, kahit Pangulo na ay araw-araw siyang uuwi sa Davao City dahil ang siyudad ang itinuturing niyang “comfort zone.”

Mula nang magwagi sa presidential elections ay naging pansamantalang tanggapan ni Duterte ang Presidential Guest House sa loob ng seaside compound sa Department of Public Works and Highways (DPWH) sa Panacan na tinawag ng media bilang “Panacañang” o “Malacañang of the South.

Mula nang kanyang proklamasyon noong Hunyo 30 ay sa hotel lamang tumutuloy si Duterte kapag nasa Maynila.

( ROSE NOVENARIO )

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *