Friday , March 29 2024

Duterte cabinet nagpakitang gilas sa 1st off’l meeting

PORMAL nang nagsimula ang trabaho hindi lamang para kay President Rodrigo Roa Duterte, ngunit maging sa kanyang itinalagang Cabinet secretaries.

Kahapon din ginawa ang kauna-unahang pulong ni Duterte sa 28 miyembro ng kanyang gabinete.

Unang nagbigay ng kanyang ulat kay Duterte ay si National Disaster Risk Reduction and Management Council director Ricardo Jalad.

Ang nasabing pagpupulong ay isinagawa ilang oras pagkatapos manumpa sa panunungkulan si Duterte bilang pangulo ng bansa.

Live itong ipinalabas sa media local TV stations sa bansa.

Bukod kay Jalad, dumalo rin sa pagpupulong sina Social Welfare Secretary Judy Taguiwalo; Executive Secretary Salvador Medialdea; Cabinet Secretary Leoncio “Jun” Evasco; Finance Secretary Carlos “Sonny” Dominguez III; Budget Secretary Benjamin Diokno; Defense Secretary Delfin Lorenzana; Interior Secretary Mike Sueño; Foreign Secretary Perfecto Yasay Jr.; Justice Secretary Vitaliano Aguirre II; at iba pa.

Kita ng PAGCOR ilalaan sa health services — Digong

IPAGAGAMIT ni bagong Pangulong Rodrigo Duterte ang kita ng Pagcor sa health services ng bansa.

Ginawa ni Pangulong Duterte ang pahayag sa kauna-unahang Cabinet meeting na kanyang ipinatawag makaraan ang inagurasyon.

Sinabi ni Pangulong Duterte, maraming Filipino ang hindi kayang bumili ng gamot lalo kapag umabot na ng libong piso.

Ayon kay Duterte, dahil sa sugal naman galing ang kita ng Pagcor, mas mabuting ilaan na lamang ito sa pangangalaga ng kalusugan ng mahihirap.

Makaaasa aniya ang taongbayan na hindi ito maaabuso at hindi malalagay sa katiwalian ang pondo ng Pagcor.

Online gaming ipinakakansela ng pangulo

IPINAKAKANSELA ni Pangulong Rodrigo Duterte kay Philippine Amusement and Gaming Corp. (PAGCOR) Chairman Andrea Domingo ang prangkisa ng lahat ng online gambling sa bansa.

Sinabi ni Duterte sa kauna-unahang cabinet meeting kahapon, walang nakukuhang kita ang gobyerno sa online gambling.

Sinabi ni Duterte, wala namang nakukuhang  pakinabang ang gobyerno at walang buwis na  nakukuha sa mga nagpapatakbo ng online gambling.

Isa ang sugal sa mga nais ni Duterte na matigil sa bansa  bukod sa adbokasiya na maalis ang korupsiyon, kriminalidad at sugpuin ang ilegal na droga.

Magkakaroon  aniya  ng  hotline ang gobyerno  para  maging sumbungan ng  bayan laban sa  mga  kawani ng  gobyerno na  hindi ginagawa  ang  kanilang  trabaho.

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *