16 pupils, guro nalason sa arozcaldo (Sa Ifugao)

BAGUIO CITY – Nananatili sa pagamutan ang 16 mag-aaral at isang guro ng Central Elementary School sa Sta. Maria, Alfonso Lista, Ifugao dahil sa pagkalason sa kinaing arozcaldo.

Ayon sa Alfonso Lista PNP, kumain kamakalawa ang mga biktima ng arozcaldo na ibinebenta sa school canteen habang naka-recess.

Gayonman, pagkalipas ng ilang oras ay nagsimulang maramdaman ng mga biktima ang pagsakit ng kanilang tiyan at sumuka kaya itinakbo sa pagamutan.

Iniimbestigahan ng Alfonso Lista Rural Health Unit ang nasabing insidente.