Tuesday , April 23 2019
Breaking News
You are here: Home / News / 2 estudyanteng dinukot sa Lanao Norte laya na

2 estudyanteng dinukot sa Lanao Norte laya na

CAGAYAN DE ORO CITY – Nakalaya na ang dalawa sa anim mag-aaral na dinukot ng grupo ng mga kalalakihan sa probinsya ng Lanao del Norte.

Ito ay nang makaramdam ang mga suspek ng pressure ng anti-kidnapping task force kaya napilitang palayain ang natitirang mga biktima na sina Cid Rick Jamias at Berzon Rey Paeste.

Inihayag ni Iligan City Police Office director, Senior Supt. Reynaldo Daniel, iniwan ng mga suspek ang mga biktima sa bayan ng Munai, Lanao del Norte.

Sinabi ni Senior Supt. Daniel, malinaw ang layunin ng kidnappers na kidnap-for-ransom ang motibo ngunit napakawalan ang mga biktima nang walang sangkot na pera.

Inihayag ng opisyal, natukoy na rin nila ang pagkakilanlan ng karamihan sa kidnappers na kinabilangan ng ilang Maranao.

Natuklasan din na mayroong pending kidnapping cases ang karamihan sa mga suspek na nasa likod ng huling kaso na naganap sa Iligan City.

Una nang nakalaya ang mga biktimang sina Hannah Yurong, Kevin Limpin, Eloisa Lacson at Juhari Gubat, mga mag-aaral at alumni mula sa Mindanao State University-Iligan Institute of Technology (MSU-IIT).

Napag-alaman, dinukot ang mga biktima ng mga nakasakay sa puting van sa Iligan City noong Hunyo 4, 2016.

About Hataw News Team

Leave a Reply

Your email address will not be published. Required fields are marked *

*

Scroll To Top