Friday , March 29 2024

Serial rapist na UV express driver arestado

INARESTO ng mga awtoridad ang driver ng colorum na UV Express shuttle, suspek sa panggagahasa sa dalawang babae sa loob ng kanyang van sa Quezon City nitong nakaraang Linggo .

Ang mga biktima, edad 22 at 27 anyos, ay sumakay sa van sa kanto ng Quezon Avenue at EDSA, Biyernes ng gabi.

Nagdeklara ang driver at kanyang kasabwat ng holdap at nang sumapit sa Batasan Hills, iginapos nila ang mga biktima at kinulimbat ang alahas at pera.

Sa ulat, halinhinang ginahasa ng mga suspek ang mga biktima habang bumibiyahe sa Caloocan patungong Bulacan.

Ibinaba ng mga suspek ang mga babae nang nakagapos sa Sauyo Road, Quezon City, Sabado nang umaga.

Natukoy ng pulisya ang van driver na si Wilfredo Lorenzo, sa pamamagitan ng CCTV footage ng kanyang van sa Caloocan at Sauyo Road.

Inaresto ng mga awtoridad si Lorenzo habang nagsasakay ng pasahero sa Commonwealth Avenue nitong Lunes.

Narekober ng mga pulis sa kanyang van ang isang plastic sachet ng shabu. Positibo sa paggamit ng droga ang suspek.

Kinilala ang suspek ng mga biktima sa Camp Caringal nitong Miyerkoles.

Galit na sinugod ng dalawang babae at ng kanilang pamilya ang suspek ngunit inawat sila ng mga pulis.

Umapela ang mga biktima kay Incoming President Rodrigo Duterte na tuparin ang kanyang pangako na ibabalik ang bitay bilang parusa sa karumal-dumal na krimen.

“President, kailangan namin ng tulong ninyo. Wala nang dapat mabuhay na ganyan, maraming mabibiktima. Kaya kong manindigan, patayin n’yo lang siya,” pakiusap ng isang biktima.

Samantala, sinabi ni Quezon City Police District-Criminal Investigation and Detection Unit (CIDU) chief, Insp. Rodel Marcelo, naglabas na ang pulisya ng cartographic sketch ng kasabwat ni Lorenzo na kinilalang si alyas Buddy.

Naniniwala si Marcelo, ang mga suspek ay maaaring nasa likod ng katulad na kaso sa Makati City at sa lalawigan ng Rizal.

“We understand na sa ibang lugar din, sa Rizal, sa Makati, ganitong modus operandi rin ‘yung ginagawa. May mga kaso tayo na unsolved na nanininiwala ako na sila rin ang may kagagagawan,” aniya.

Si Lorenzo ay kinasuhan ng rape, robbery at possession of illegal drugs.

About Hataw News Team

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *