Friday , August 7 2020
Breaking News
You are here: Home / Showbiz / Kiray nanginig ang katawan dahil kay Enchong
Kiray nanginig ang katawan dahil kay Enchong

Kiray nanginig ang katawan dahil kay Enchong

00 SHOWBIZ ms mTUNAY na pinagpala talaga itong si Kiray Celis. Pagkatapos magpasasa kay Derek Ramsay, kay Enchong Dee naman siya makikipaglampungan. Ito’y sa pamamagitan ng pelikulang I Love You To Death na mapapanood na sa July 6 mula sa Regal Entertainment.

Ayon sa Regal, ito ang pamatay na comedy horror movie nila sa taong ito dahil magsasabog ito ng sigaw, tili, at pagmamahal sa Hulyo 6. Isang pambihirang kuwento ng pagmamahalan na hindi puwedeng paghiwalayin ng kamatayan.

Ang istorya’y iikot sa mag-childhood sweethearts na sina Gwen (Kiray) at Tonton (Enchong) na lumaki sa probinsiya. Hindi man kagandahan si Gwen, nabingwit niya ang puso ni Tonton na kinapos din sa kakisigan. Nangako silang magpapakasal sa tamang edad at nangakong magsasama habambuhay hanggang sa kamatayan.

Ayon kay Enchong humanga siya sa galing ni Kiray kaya naman nasabi niyang “She’s an actress!” Paano’y higit na maraming pasabog ang ginawa rito ni Kiray na talaga namang magpapasakit ng tiyan ng manonood.

Inspired daw si Kiray sa paggawa ng I Love You To Death kaya naman effortless ang director nitong si Miko Livelo na palutangin ang husay ni Kiray dahil isa pala sa crushes ng aktres si Enchong.

Kaunting pulupot lang daw kay Enchong, nanginginig na ang katawan ng komedyana at nawawala sa sarili kapag hinahalikan na ng actor.

Makikita ninyo ‘yan kapag pinanood ninyo ang I Love You To Death na pambihirang horror scenes na napakatapang ng dating at nakabibilib ang mapapanood din.

Samantala, mapapanood ang full trailer ng I Love You To Death sa official Youtube channel ng Regal Films at sa kanilang Facebook Page na Regal Entertainment Inc.. I-follow din ang kanilang Twitter @regalfilms at Instagram @regalfilms50 para sa mga update tungkol sa pelikula.

SHOWBIZ KONEK – Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top