Thursday , March 28 2024

Lim kumasa sa ‘guerilla style’ na caucus sa Baseco

LIBO-LIBONG residente ng Baseco ang humarang sa motorcade nang nagbabalik na alkalde ng Maynila na si Alfredo S. Lim nang magtungo siya roon para kumampanya, dahilan upang mapilitang magsagawa ng caucus, ‘guerrilla style.’

Sa gitna ng hiyawan at patuloy na pagtawag sa pangalan ni Lim, nagtipon ang mga residente sa mismong gitna ng kalsada, kung kaya’t hindi kinayang umandar ng kanyang motorcade.

Napag-alaman, hindi makapagsagawa ng caucus si Lim sa naturang lugar dahil sa patuloy na pagtanggi ng tanggapan ng barangay chairman na magbigay ng kaukulang permit.

Dahil dito, nagpasya si Lim, na noon ay kasama si barangay chairman at Fifth District candidate for councilor Jim Adriano, na magsagawa nang biglaang caucus sa ibabaw mismo ng pick-up vehicle na siya ring nagsisilbi niyang float, gamit ang isang microphone na ikinabit sa speaker na pinatutugtog ang kanyang campaign jingle.

Nagkataon na ang naturang impromptu caucus ay naganap sa pagitan ng Corazon Aquino High School at Benigno Aquino Elementary School na parehong ipinatayo ni Lim para sa mga batang mag-aaral na residente ng Baseco upang di na sila gumastos ng pasahe sa araw-araw na pagpasok sa eskuwela.

Sa kanyang pananalita, nagpahayag ng kompiyansa si Lim, na palagiang number one sa mga suvey sa pagka-alkalde, hindi hahayaan ng mga residente ng Baseco na may uminsulto sa kanilang pagkatao sa pamamagitan ng pagbili ng kanilang boto.

Ginawa ni Lim ang pahayag sa gitna ng mga ulat na may mga tauhan ang isang maperang kandidato na mag-iikot para mag- ‘operate’ sa Baseco at iba pang lugar na baluwarte nina Liberal Party standard bearer Mar Roxas at Lim, kapalit ng P3,000 kada ulo ay lalagyan ng indelible ink ang hintuturo ng isang botante upang hindi na siya makaboto sa presinto.

Sa kanyang panig, nanawagan si Adriano sa mga residente na mas bigyang-halaga ang kinabukasan nila at ng kanilang pamilya dahil ang mga libreng serbisyong ginagawa ng administrasyon ni Lim gaya ng libreng kolehiyo at mga serbisyo sa ospital ay pawang pangmatagalan nilang pakikinabangan kaysa P3,000 na maaaring maubos sa loob lang ng ilang araw.

Binigyang-diin din ni Adriano kung paano ibinuhos ni Lim ang atensiyon sa Baseco at ang importansiyang ibinigay niya sa mga residente rito, nang gawin niya itong isang maliit na lungsod na kanyang pinatayuan ng high school at elementary school, pampublikong palengke, playground at evacuation center, bukod pa sa ipinakonkreto ang mga kalsada.

Habang tumagal ay lalo namang kumapal ang tao kung kaya’t naging instant caucus ang dapat sana ay simpleng motorcade lang, naghiyawan ang mga residente nang tiyaking muli ni Lim ang mga gagawin gaya nang ibabalik ang mga libreng serbisyo sa mga ospital, magbibigay ng P2,000 sa senior citizens sa unang araw sa City Hall at aalisin ang walang tigil na towing at malalaking multa ng mga pedicab at tricycle.

About Leonard Basilio

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *