Friday , March 29 2024

Digong sinungaling na magnanakaw pa

KAWAWA ang taumbayan kapag nagpatuloy silang naniniwala sa ipinapangako ni Davao City Mayor Rodrigo Duterte.

Ito ang sentimyento ngayon hindi lamang ng maliliit na sektor ng lipunan kundi maging ng inirerespetong Makati Business Club at Management Association of the Philippines (MAP).

Hindi na maikakaila na matagal nang nagising sa tunay na katauhan ng alkalde ng Davao City ang mga residente ng kanyang nasasakupan sa siyudad na tinaguriang Murder Capital City of the Philippines kaya nakadagdag pa ang sentimyento ng nasabing asosasyon ng investors sa bansa.

Naunang pinaratangan ng mga tinig mula sa sektor ng mangingisda, magsasaka, kababaihan, urban poor at kabataan na isang malaking sinungaling si Duterte nang kanyang itanggi ang P211 million hidden account sa Bank of the Philippine Islands, Julia Vargas Ave. Branch na ibinulgar noong nakaraang linggo ni vice presidential candidate Senador Antonio V. Trillanes IV.

Ngunit kalaunan pala ay aaminin rin sa bandang huli na mayroon nga siyang account sa nasabing banko.

Maging ang pamunuan ng MAP at Makati Business Club ay nadesmaya sa mga kontrobersiyang kinasangkutan ni Duterte na iniulat ng kanilang chair na si Ramon R. del Rosario sa kanyang kolum sa isang broadsheet na tanging ang peace and order lamang ang naiharap sa kanila ni Duterte nang maging panauhin sa kanilang business forum kamakailan.

Lalo na ngayong lumitaw sa annual report ng Commission on Audit (COA) na mula Disyembre 31, 2003 hanggang 2007, hindi pa rin naise-settle ni Mayor Duterte at City Council na pinamumunuan ng kanyang anak na si Sara “Inday” Duterte ang may P2.9 bilyong halaga ng equipment at properties na binili ng City Hall.

Iniulat ng COA na hindi pa rin mapagtitibay ang sinasabing 82% ari-arian ng Davao City Hall na umaabot sa P2,933,909,784.17 dahil nabigo pa rin ang city government na magsagawa ng physical count and nabigong iprepara ang pagsusumite ng nasabing report.

“Paano pa kami maniniwala na si Digong ang aming tagapagligtas kung noong una, nagsinungaling na siya tapos matutuklasan naming magnanakaw din pala siya. Tama ang naglabasang report na sila nga ang Binays ng Davao City,” galit na ipinahayag ni Isagani Marquez ng Valenzuela City, isang dating masugid na supporter ng Tambalang Tapat, Tambalang Dapat ni Duterte at Senador Allan Peter Cayetano.

“Noong una, bumitaw kami kay Binay dahil sa sobrang graft and corruption niya. Sumama kami kay Digong dahil Bisaya kami at taga-Surigao del Norte. Pero wala rin pala siyang ipinagkaiba sa mga magnanakaw na politiko. Sinungaling na at magnanakaw din pala!” ani Aida del Carmen ng Payatas, Quezon City.

About Hataw News Team

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *