Thursday , March 28 2024

Mon Confiado at John Arcilla, muling nagsama sa pelikula

00 Alam mo na NonieMAGKASAMANG muli sa pelikula sina Mon Conifado at John Arcilla. Matatandaang sila ang lead actors sa hit movie na Heneral Luna na ginampanan nila ang makasaysayang karakter ng mga heneral na sina Antonio Luna at Emilio Aguinaldo.

This time naman, sina Mon at John ay kapwa member ng SAF na naging bahagi ng Mamasapano clash na ikinasawi ng SAF 44. Pinamagatang Miracles Are Forever, isa itong trilogy at kasali sila sa episode na The Mamasapano Untold Story ni Direk Carlo J. Caparas.

“Kasali ako sa episode na The Mapapasapano Untold Story. Kami nina John Arcilla, Bobby Andrews, Rodjun Cruz, Sid Lucero at si Richard Gutierrez.

Kuwento ito ng isang member ng SAF na nabuhay at nakaligtas, na miyembro ng El Shaddai. Si Richard iyon, totoong character siya na miyembro ng El Shaddai.

Isa ako sa SAF na nakaligtas dito at ang tawag sa amin ay Magic 13.

“Mga miracles na nangyari talaga ito, true story lahat na based sa kuwento ng El Shaddai members. Kaya Miracles Are Forever ang title ng mo-vie,” esplika ni Mon.

Ayon pa sa versatile actor, ang SAF member na ito na ginagampanan ni Richard ang nagkukuwento sa tunay na naganap sa Mamasapano encounter.

“In fact, halos every shooting nandoon siya. Allan Franco ‘yung name na ginagampanan ni Richard. Based on a true character and true events talaga. Iyong gumanap na wife niya is Arci Muñoz at si Jackie Lou Blanco naman ang nanay.

“Tinatawagan din siya ni Direk, kinakausap ni Richard, ikino-coach niya kami bale kung ano talaga ‘yung nangyari. Kasi nakaharap talaga ni Allan si Marwan. Tsaka nakita niya talaga ‘yung pinutol ‘yung daliri, ‘yung pinatay, hanggang tumakas… ‘yung pagkaka-corner ng SAF 44 talaga.

“Si Marwan dito gagampanan ni Ronnie Quizon, tsaka may isa pa si Basit played by ‘yung brother ni Richard na si Elvis Gutierrez.

“Si Direk Carlo, fan siya ng Heneral Luna (movie) eh, kaya niya kami isinali sa cast ni John,” nakangiting saad pa ni Mon.

Tinanong din namin siya kung ano na ang balita sa sequel ng Heneral Luna na this time ay pagbibidahan naman ni Paulo Avelino bilang si Heneral Gregorio del Pilar.

“After Heneral Luna, ang susu-nod ang Gregorio del Pilar, tapos ay Manuel L. Quezon. Ako  ang magi-ging Aguinaldo roon sa tatlong mo-vie, naka-plano talaga iyon. Buo na iyong script ng Gregorio, pero kumbaga tinu-tune pa rin. Kasi,  mara-ming  research  talaga  ang kaila-ngang gawin, e. Talagang pinagha-handaan ni Direk Jerrold (Tarog).”

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *