Thursday , March 28 2024

Foreigners sabit sa money laundering — KIM WONG

ISINIWALAT ng negosyanteng si Kam Sin Wong alyas Kim Wong ang personalidad na maaaring nasa likod ng $81-milyon money laundering sa Filipinas, ang perang ninakaw mula sa Bangladesh Central Bank sa New York reserve.

Gayonman, todo tanggi siya na may kinalaman siya sa multi-million dollar money laundering.

Sa kanyang pagharap sa imbestigasyon ng Senate Blue Ribbon Committee, idiniin ni Wong ang RCBC branch manager na si Maia Santos-Deguito na siyang nagmanipula kung paano nangyari ang money laundering.

Si Deguito aniya ang nagpeke ng limang accounts, habang hindi niya alam kung saan nanggaling ang $81 milyon na nakaw na pera.

May ipinakilala raw si Wong na banyaga kay Deguito, na nagngangalang si Mr. Gao at sila na raw ang nag-usap.

Pebrero 4 aniya dumating sa Filipinas si Gao para mag-invest sa Filipinas kaya’t naipakilala kay Deguito.

Kinabukasan, Pebrero 5, ay tumawag na raw sa kanya si Deguito na may pumasok na milyon-milyong dolyar sa RCBC bank accounts, kaya’t agad daw ipinag-utos ni Wong na dalhin ang pera sa casino.

Sa kabuuan ay nasa $63 milyon ang pumasok na pera sa Solaire at Midas Casino habang nasa Philrem ang $17 milyon, ang perang ito ay galing sa $81 milyon na pumasok sa RCBC Jupiter branch.

Nailipat daw ang naturang pera sa pamamagitan ng Philrem Service Corporation, katunayan si Wong pa raw ang personal na kumukuha ng pera sa bahay ni Michael Bautista ng Philrem, kabilang rito ang cash na P100 milyon at $3 milyon noong Pebrero 9, habang P100 milyon at $2 milyon noong Pebrero 10.

Sa kabila nito, binigyang diin ni Wong na wala siyang kinalaman sa money laundering dahil bilang casino junket operator, kumukuha lamang sila ng foreign investors para maglaro sa Filipinas.

Sa kanyang paniniwala, si Mr. Gao, ang talagang sangkot sa money laundering.

“Malaking player at sila talaga ang gumawa nito, paniniwala ko si Gao,” ayon kay Wong.

Sa pagdinig ng Senado may ipinakita pang larawan si Wong nang iproseso ang pera para makapasok sa casino.

About Hataw News Team

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *