Friday , March 29 2024

Dapat maging versatile si Maliksi

MUST-WIN  ang Star Hotshots sa kanilang huling dalawang laro upang makarating sa quarterfinal round ng PBA Commissioner’s Cup. Ito ay matapos na matalo sila sa San Miguel Beer noong Linggo at bumagsak sa 4-5 record.

Ang problema ay baka makulangan ng isang napakahalagang piyesa ang Hotshots sa kanilang huling dalawang laro.

Ang piyesa ay ang two-time Most Valuable Player na si James Yap na nagtamo ng calf injury laban sa Beermen matapos na magkabanggan sila ni Chris Ross. Hindi natapos ni Yap ang larong iyon.

Malaking bagay si Yap kung hindi nga siya makapaglalaro.

At mabigat pa naman ang huling dalawang games ng Hotshots. Kung sabagay, wala na namang magaan na kalaban ngayon sa PBA, hindi ba?

Makakaengkwento ng Star ang Alaska Milk sa Davao City ngayong Sabado. At sa Abril 13 ay kalaban naman nila ang Mahindra Enforcers. Kung tutuusin ay puwede naman sigurong mag-survive ang Hotshots nang wala pansamantala si Yap.

Kasi, bago sila natalo sa Beermen ay nagposte sila ng tatlong sunud-sunod na panalo. At ang nagbida para sa kanila ay si Allein Maliksi na naparangalan pa nga bilang Accel-PBA Press Corps Player of the Week.

Ang problema ay biglang naubusan si Maliksi laban sa Beermen at nahirapang pumuntos. Napag-aralan siyang mabuti ng Beermen kung kaya’t nadiyeta.

Ibig sabihin ay kulang pa sa consistency si Maliksi at madaling pigilan kung pagtutuunan talaga ng pansin ng kalabang koponan.

Kailangan matuto si Maliksi na maging mas versatile upang hindi mapigilan ng kalaban. Hindi natin alam kung magagawa niya kaagad ito.

Pero hindi lang naman ito para sa nalalabing dalawang laro ng Star sa elims kungdi para sa mga iba pang laro ng Star sa season o mga susunod na taon.  Puwede naman kasing si Maliksi ang sumnod na superstar ng koponan sakaling magretiro na ang mga ilustrado niyang kakampi.

SPORTS SHOCKED – Sabrina Pascua

About Sabrina Pascua

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *