Wednesday , December 12 2018
Breaking News
You are here: Home / News / 1 patay, 1 sugatgan sa birthday party

1 patay, 1 sugatgan sa birthday party

NAGING madugo ang pagdiriwang ng kaarawan ng isang lalaki makaraang pagbabarilin ng isa sa mga bisita ang dalawa niyang kaanak sa Caloocan City kamakalawa ng gabi.

Kinilala ang namatay na si John Michael Soleta, 39, negosyante at residente ng Phase 10A, Package 3, Block 67, Lot 13, Bagong Silang ng nasabing lungsod.

Habang ginagamot sa Far Eastern University (FEU) Hospital si Carlo Paulo, 32, overseas Filipino worker (OFW), naninirahan sa 967 Narra Avenue, Brgy. 181, Pangarap Village, dahil sa tama ng bala ng baril sa tiyan.

Nakapiit na sa detention cell ng Caloocan City Police ang suspek na si Samarudin Maruhun, 23, ng Almar, Brgy. 175, nahuli sa follow-up operation ng mga awtoridad.

Base sa imbestigasyon ni PO3 Gomer Mappala, naganap ang insidente dakong 9:30 p.m. sa Sampaguita St., Phase 1, Palmera Spring, Brgy. 175.

Ayon sa ulat ng pulisya, dumalo ang mga biktima sa birthday celebration ng kanilang kamag-anak sa naturang lugar nang makatalo ang suspek na bigla na lamang naglabas ng baril at pinagbabaril sina Soleta at Fabro.

COMMENTS
READ MORE:  INC para kay Bongbong

About Rommel Sales

Scroll To Top
 

Copyright hatawtabloid.com | All Rights Reserved